Ceidwadwyr Cymreig yn pwyso ar Theresa May tros y morlyn

Diweddarwyd am  


Mae Ceidwadwyr amlwg yng Nghymru wedi arwyddo llythyr yn gofyn i’r Prif Weinidog yn San Steffan gefnogi cynllun Morlyn Bae Abertawe.

Daw’r llythyr, sydd wedi’i arwyddo gan Aelodau Seneddol, Aelodau Cynulliad ac arweinwyr cynghorau sir yng Nghymru yn dilyn oedi gan Lywodraeth Theresa May cyn penderfynu rhoi sêl bendith i’r cynllun lagŵn trydan.

Eu bwriad yw dwyn pwysau ar Theresa May a’i Chabinet cyn i’r blaid gwrdd ym Manceinion dros y penwythnos ar gyfer ei chynhadledd yn yr hydref.

Dywed y llythyr bod angen i Lywodraeth y Deyrnas Unedig gefnogi’r morlyn £1.3 biliwn er mwyn dangos ei hymrwymiad at Gymru.

Pwyso am gefnogaeth

“Mae gyda ni’r cyfle i ddelifro buddsoddiad isadeiledd hynod o boblogaidd yma yng Nghymru ac, wrth wneud hynny, lansio diwydiant blaengar i bweru Teyrnas Unedig ffyniannus y tu allan i’r Undeb Ewropeaidd,” meddai’r llythyr.

Mae’r grŵp hefyd yn cyfeirio at adolygiad y cyn-weinidog Ceidwadol Charles Hendry oedd yn cefnogi’r cynllun gan ddweud y byddai’n costio llai na phris peint o laeth y flwyddyn i bob cartref.

“… Efallai bod morlynnoedd llanw yn wahanol i brosiectau ynni eraill ond gyda Brexit yn agosáu, rhaid i ni gael yr hyder i drafod yr heriau a gwneud y gorau o’r cyfleoedd sy’n dod gyda newid.

“Gall Morlyn Llanw Bae Abertawe adfywio economi Cymru.”

Byron nid Andrew

Nid Andrew RT Davies – arweinydd y Ceidwadwyr Cymreig yn y Cynulliad – yw awdur y llythyr, ond yn hytrach y cyn Aelod Seneddol dros y Gŵyr, Byron Davies, sy’n Gadeirydd y blaid yng Nghymru.

Mae golwg360 wedi gofyn am ymateb gan Lywodraeth Prydain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd