RSS

Golwg360

MwyCau 

Halen Môn – pryder am allforio wedi Brexit

Medi 19, 2017 08:02 Diweddarwyd Medi 20, 2017 08:20


Huw Edwards yn siarad a Eluned Davies o Halen Môn (Llun: S4C)
Mae un o reolwyr prosiect gyda chwmni Halen Môn ym Mrynsiencyn wedi mynegi pryder y gallai eu hallforion “ostwng yn sylweddol” yn sgil Brexit.

Yn ôl Eluned Davies, mae 30% o gynnyrch Halen Môn yn cael ei allforio a mwy na hanner yn mynd i wledydd Ewropeaidd, gan gynnwys Sbaen a’r Eidal.

Ond petai’r gwledydd hynny’n wynebu tariffau ychwanegol i fewnforio cynnyrch o wledydd Prydain, dywedodd Eluned Davies y byddai’r gwledydd yn “ail-feddwl cyn masnachu â chwmnïau Prydeinig.”

Daw ei sylwadau wrth siarad â’r newyddiadurwr Huw Edwards ar gyfer rhaglen arbennig yn taflu trem yn ôl ar ugain mlynedd ers datganoli yng Nghymru gan ystyried yr heriau yn sgil Brexit.

 

‘Y gwaethaf a’r gorau’

“Beth rydan ni’n ei wneud ydi paratoi am y gwaethaf a gobeithio am y gorau, achos nid jyst gwledydd Ewrop rydan ni’n colli ond mae tua 50 o wledydd eraill sydd â chytundeb marchnad am ddim efo Ewrop,” meddai Eluned Davies.

Er hyn mae’n cydnabod “cefnogaeth ariannol a gwleidyddol” y Cynulliad Cenedlaethol gan ddweud y byddai Halen Môn “wedi ffynnu ond mae datganoli wedi gwneud pethau’n haws.”

Yn rhan o’r rhaglen hefyd mae sylw i ddyfodol marchnad cig oen Cymru, swyddi gwaith dur Port Talbot, addysg Gymraeg yng Nghasnewydd a’r gwasanaeth iechyd yn y gogledd.

Mi fydd Huw Edwards: Datganoli 20 yn cael ei darlledu nos Fawrth (Medi 19) am 9.30yh.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.