Ymchwiliad i Neil McEvoy yn parhau

Diweddarwyd  


Neil McEvoy
Chwe mis ers i Blaid Cymru ddechrau ymchwiliad mewnol i gwynion yn erbyn un o’i Haelodau Cynulliad, mae ei chadeirydd wedi cadarnhau bod y broses yn parhau.

Ac mae’r Aelod Cynulliad dan sylw wedi dweud wrth golwg360 nad yw wedi cael gwybod beth ydi’r cwynion, nac wedi cael gwybod pwy sydd wedi cwyno amdano.

Dywedodd Cadeirydd y Blaid wrth golwg360 fod yr ymchwiliad i Neil McEvoy yn dal ar agor yn dilyn cyfarfod o’r panel disgyblu mewnol neithiwr.

“Dydyn ni ddim yn gwneud unrhyw sylw ar faterion mewnol y blaid, dim tra mae’r broses yn mynd yn ei blaen,” meddai Alun Ffred Jones.

Doedd Alun Ffred Jones ddim yn barod i ddweud pryd mae disgwyl i’r ymchwiliad ddod i ben.

Roedd y panel disgyblu wedi cwrdd yng Nghaerdydd neithiwr [nos Iau] er mwyn trafod tair cwyn yn erbyn Neil McEvoy, er bod mwy o gwynion wedi eu gwneud yn wreiddiol.

“Dw i heb wneud dim o’i le”

Dywedodd Neil McEvoy, sy’n Aelod Cynulliad ac yn gynghorydd yng Nghaerdydd, wrth golwg360 nad oedd wedi cael gwahoddiad i’r cyfarfod neithiwr ac nac oedd wedi clywed gan neb o’r Blaid ers hynny chwaith.

“Os oes cwynion, byddai’n dda clywed beth ydyn nhw ar ôl chwe mis, byddai’n dda gwybod pwy sydd wedi cwyno achos dw i heb wneud dim o’i le,” meddai.

“Mae gen i ddiddordeb mewn ateb y cwynion. Dydyn nhw [Plaid Cymru] heb roi unrhyw wybodaeth i fi, dim o gwbl.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones