Cyhuddo clwb criced lleol o ddwyn anfri ar y gêm yn Sir Benfro

Diweddarwyd  


Mae Clwb Criced Caeriw yn Sir Benfro wedi cael eu cyhuddo o ddwyn anfri ar y gêm ar ôl iddyn nhw atal eu gwrthwynebwyr Creseli rhag ennill tlws Adran Gyntaf Clybiau Criced Sir Benfro yn ddiweddar.

Roedd Caeriw wedi cau eu batiad ar 18-1 ar ôl pymtheg o belenni yn unig, er mwyn atal Creseli rhag ennill pwyntiau bonws ar gyfer eu bowlio.

Roedd hynny’n golygu na fyddai gan Greseli ddigon o bwyntiau ar ddiwedd y gêm i godi uwchben eu gwrthwynebwyr, oedd â mantais eisoes o 21 o bwyntiau.

Pwyntiau bonws

Mae pwyntiau bonws ar gael i’r tîm sy’n bowlio am bob dwy wiced maen nhw’n eu cipio mewn batiad, ac un pwynt bonws i’r batwyr bob 40 rhediad maen nhw’n eu sgorio hyd at 200.

Dyw Caeriw ddim wedi torri rheolau’r gêm, ond maen nhw wedi cael eu cyhuddo o ymddwyn yn groes i ysbryd y gêm, a nifer o gricedwyr proffesiynol wedi ychwanegu eu lleisiau at yr alwad i’w cosbi nhw.

Yn dilyn yr helynt, dywedodd Clwb Criced Creseli eu bod nhw’n “siomedig” ynghylch ymddygiad Clwb Criced Caeriw.

Fe fydd Clwb Criced Caeriw a’u capten, Brian Hall yn wynebu panel disgyblu yng Nghlwb Criced Hwlffordd ar Fedi 26, ond mae lle i gredu na fydd ail-gynnal yr ornest ymhlith yr opsiynau fydd yn cael eu hystyried.

Datganiad gan benaethiaid y gynghrair

Mewn datganiad, mae Clwb Criced Sir Benfro, penaethiaid y gynghrair, yn dweud: “Derbyniodd Clwb Criced Sir Benfro nifer o gwynion ysgrifenedig ynghylch ymddygiad Clwb Criced Caeriw a’u capten Brian Hall yn dilyn eu gêm yn erbyn Creseli.

“Yn unol â’r gweithdrefnau sydd wedi’u hamlinellu yn llawlyfr y sir, fe ddaeth is-bwyllgor disgyblu ynghyd ddydd Llun, Medi 11.

“O ganlyniad i’r cyfarfod hwnnw, mae Caeriw wedi’u cyhuddo o ddwyn anfri ar y clwb criced sirol. Mae Mr Hall wedi’i gyhuddo o fethu yn ei ddyletswyddau fel capten i sicrhau bod y gêm wedi cael ei chynnal yn ysbryd criced.”

Dyw hi ddim yn glir eto beth fydd y gosb.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd