Tri dyn gerbron llys ar gyhuddiad o droseddau brawychol

 


Bydd y tri yn mynd gerbron Llys yr Old Bailey ar 21 Medi ar gyfer gwrandawiad (Llun: Wicipedia)
Mae tri dyn – gan gynnwys un o Bowys – wedi ymddangos gerbron Llys yr Ynadon Westminster heddiw wedi’u cyhuddo o droseddau brawychol.

Mae’r tri wedi’u cyhuddo o fod yn aelodau o’r grŵp asgell dde eithafol sydd wedi’i wahardd ym Mhrydain, sef National Action.

Yn eu plith mae’r milwr Mikko Vehvilainen oedd wedi’i leoli yng ngwersyll Pontsenni, Aberhonddu.

Mae’r gŵr 32 oed wedi’i gyhuddo o fod â dogfen yn ei feddiant sy’n cynnwys gwybodaeth a allai fod yn ddefnyddiol at frawychiaeth ynghyd â chyhoeddi deunydd ar wefan sy’n “fygythiol, ddilornus neu’n sarhaus”.

“Negeseuon hiliol”

Mae Alexander Deakin, 22 oed, o Birmingham a Mark Barrett, 24 oed, oedd wedi’i leoli yng Nghyprus hefyd wedi’u cyhuddo o fod yn aelodau o’r mudiad National Action.

Honnir bod y tri wedi bod yn rhan o grŵp ar-lein lle’r oedd negeseuon hiliol yn cael eu cyfnewid.

Wrth ymddangos yn y llys heddiw, roedd Mark Barrett wedi pledio’n ddieuog i’r cyhuddiad ond nid oedd Alexander Deakin na Mikko Vehvilainen wedi cyflwyno ple.

Cafodd Alexander Deakin a Mikko Vehvilainen eu cadw yn y ddalfa. Fe fydd gwrandawiad i drafod mechnïaeth Mark Barrett yn cael ei gynnal yn ddiweddarach heddiw.

Mae disgwyl i’r tri ymddangos yn yr Old Bailey ar 21 Medi ar gyfer gwrandawiad cychwynnol.

Cafodd y tri eu harestio’r wythnos diwethaf gan Heddlu Gorllewin Canolbarth Lloegr.

Mae’r mudiad National Action wedi’i wahardd dan gyfreithiau brawychiaeth Prydain ers mis Rhagfyr 2016 ac mae’n cael ei ddisgrifio gan y Swyddfa Gartref yn “eithafol, hiliol, gwrth-semitaidd a homoffobig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd