Dyn o Bowys gerbron llys am droseddau brawychol

Diweddarwyd am  


Llys yr Ynadon Westminster
Bydd dyn o Bowys ynghyd â dau arall o Brydain yn ymddangos gerbron Llys yr Ynadon Westminster heddiw wedi’u cyhuddo o droseddau brawychol.

Mae’r tri wedi’u cyhuddo o fod yn aelodau o’r grŵp adain dde eithafol sydd wedi’i wahardd ym Mhrydain, sef National Action.

Yn eu plith mae’r milwr Mikko Vehvilainen oedd wedi’i leoli yng ngwersyll Pontsenni, Aberhonddu.

Mae’r gŵr 32 oed wedi’i gyhuddo o fod â dogfen yn ei feddiant sy’n cynnwys gwybodaeth a allai fod yn ddefnyddiol at frawychiaeth ynghyd â chyhoeddi deunydd ar wefan sy’n “fygythiol, ddilornus neu’n sarhaus”.

Mudiad wedi’i wahardd

Y dynion eraill fydd yn ymddangos yn y llys heddiw fydd Alexander Deakin, 22 oed, o Birmingham a Mark Barrett, 24 oed, oedd wedi’i leoli yng Nghyprus.

Cafodd y tri eu harestio’r wythnos diwethaf ac, yn ôl Heddlu Gorllewin Canolbarth Lloegr, roedd yr arestio wedi’i gynllunio dan arweiniad cudd-wybodaeth a does “dim risg i ddiogelwch y cyhoedd.”

Cafodd dau ddyn o Northampton ac Ipswich eu rhyddhau heb gyhuddiadau ddydd Sadwrn yn dilyn ymholiadau.

Mae’r mudiad National Action wedi’i wahardd dan gyfreithiau brawychiaeth Prydain ers mis Rhagfyr 2016 ac mae’n cael ei ddisgrifio gan y Swyddfa Gartref yn “eithafol, hiliol, gwrth-semitaidd a homoffobig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd