“Oes diben dysgu ieithoedd lleiafrifol?”

Diweddarwyd  


“A oes angen ieithoedd lleiafrifol arnom?” yw’r cwestiwn mewn erthygl ymfflamychol gan gylchgrawn i blant wyth i 14 oed yr wythnos hon.

Mae The Week Junior yn dadlau mai “Saesneg yw iaith y Deyrnas Unedig”, cyn mynd ymlaen i drafod manteision ac anfanteision dysgu ieithoedd lleiafrifol i blant.

Mae’r cylchgrawn yn nodi bod yr erthygl wedi cael ei hysgrifennu “mewn cydweithrediad â’r Undeb Dros Siarad Saesneg – undeb sy’n annog pobol ifanc i ddarganfod eu llais”.

Mae’r erthygl yn nodi cwymp o 7,000 rhwng 2004 a 2014 yn y nifer o bobol sy’n siarad Cymraeg, gan ychwanegu bod y Cymry’n “cymryd camau mawrion” i achub y Gymraeg, lle caiff gwersi “eu dysgu yn yr iaith leol yn unig” yn yr ysgolion.

“Ydy hyn yn syniad da?” meddai’r erthygl, cyn ychwanegu, “Oes diben dysgu ieithoedd lleiafrifol?”

“Mae pob iaith yn bwysig”

Wrth gyflwyno’r dadleuon o blaid dysgu ieithoedd lleiafrifol mewn ysgolion, dywed yr erthygl fod “pob iaith yn bwysig”.

Wrth gyfeirio’n benodol at y gwymp yn y niferoedd o siaradwyr Cymraeg, ychwanega’r erthygl: “Mae digon o bobol sy’n ei siarad. Onid oes ganddyn nhw hawl i rannu’r iaith â chenedlaethau’r dyfodol?”

… Ond “neb ei hangen”

Wrth gyflwyno’r anfanteision o ddysgu ieithoedd lleiafrifol mewn ysgolion, dywed yr erthygl ei bod yn “[g]wastraff amser dysgu iaith mae cyn lleied o bobol yn ei siarad” ac “nad oes neb ei hangen”.

Dywed fod “ffyrdd newydd o gyfathrebu, gan gynnwys emojis”, ac y “dylai ysgolion ganolbwyntio ar ddysgu ieithoedd mae miliynau o bobol yn eu siarad”, gan gynnwys Sbaeneg a Mandarin.

Wrth awgrymu nad oes lle i ieithoedd lleiafrifol yn yr ystafell ddosbarth, awgryma’r erthygl y “gall ieithoedd lleiafrifol gael eu dysgu yn y cartref”, a bod hynny’n “gwneud mwy o synnwyr” er mwyn “paratoi disgyblion ar gyfer y byd ehangach”.

Pôl piniwn

Mae’r erthygl hefyd yn cyfeirio at bôl piniwn yn y rhifyn blaenorol, yn gofyn “a yw’n bwysig cadw ieithoedd lleiafrifol yn fyw”.

77% o bobol oedd yn dweud ei bod yn bwysig, gyda 23% yn dweud nad yw’n bwysig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd