Cymry eisiau golygfa o’r môr neu gefn gwlad wrth chwilio am ‘gartref oes’

Diweddarwyd am  


Golygfa o arfordir Pen Llyn (Llun: golwg360)
Tŷ ar ei ben ei hun yn y wlad, gyda phedair ystafell wely, ac yn werth tua £403,866 fyddai’r ‘cartref oes’ delfrydol i bobol yng Nghymru, yn ôl ymchwil gan gwmni cynhyrchu ffenestri a drysau.

Mae’r ymchwil gan gwmni Origin wedi holi 2,000 o berchnogion tai yng ngwledydd Prydain yn ystod mis Mehefin 2017.

Mae’r arolwg yn dod i’r casgliad bod hanner y rheiny yn dymuno byw ger y môr neu yng nghefn gwlad gyda phrisiau ‘cartrefi oes’ yn Eryri yn costio o gwmpas £156,000 o gymharu â £200,000 yng Nghaerdydd a £399,995 yn Llundain.

‘Cartref oes’

Esboniodd Ben Brocklesby, Cyfarwyddwr Origin, eu bod am archwilio pa mor bwysig ydi cael ‘cartref oes’, gan ddweud fod pobol yng ngwledydd Prydain yn dueddol o fyw mewn saith ty gwahanol yn ystod eu bywyd.

Wrth ymateb i’r hyn sy’n gwneud cartref delfrydol, rhai o’r pethau ddaeth i’r amlwg oedd cael Swyddfa Bost a Siop o fewn tair milltir, lle i barcio’r car, ystafell chwarae, cegin fawr yn ogystal â chysylltiadau da i deithio i’r gwaith.

Datgelodd yr arolwg hefyd mai 53 yw’r oedran tebygol y bydd pobol yn yn berchen ar eu ‘cartrefi delfrydol’.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd