RSS

Golwg360

MwyCau 

7,000 wedi llofnodi deiseb Newsnight: digon i fynnu adolygiad annibynnol

Awst 15, 2017 11:59 Diweddarwyd am 14:07


Mae deiseb sydd yn galw am adolygiad annibynnol o sut mae’r
BBC yn portreadu’r iaith Gymraeg wedi cael ei lofnodi gan dros 7,000 o bobol.

Daw’r galw yn sgil eitem ar raglen BBC Newsnight ddydd Mercher diwethaf (Awst 6), lle bu gwesteion di-Gymraeg yn trafod y cwestiwn, “a ydi’r Gymraeg o help neu’n hindrans i’r genedl”.

Gan fod y ddeiseb wedi derbyn dros 5,000 llofnod, fe fydd sefydlydd y ddogfen sef cyn-Bennaeth digidol S4C, Huw Marshall, yn cysylltu â’r “grwpiau perthnasol” er mwyn mynnu adolygiad.

Yn ôl y ddeiseb, mi fyddai adolygiad yn medru sefydlu “os oes problem â phortread y Gymraeg” ac yn asesu’r hyn sydd yn cael ei weithredu gan y BBC i “ddiogelu tegwch golygyddol.”

Mae’r ddeiseb wedi’i chyfeirio at yr Adran dros Ddiwylliant, y Cyfryngau a Chwaraeon (DCMS), Bwrdd Unedol y BBC a’r rheoleiddiwr darlledu Ofcom.

Ymateb ac ymddiheuro

Mae’r rhaglen eisoes wedi derbyn ymateb chwyrn am ei phortread o’r Gymraeg ac mae Gweinidog y Gymraeg, Alun Davies, wedi ei beirniadu am gyfleu “anwybodaeth lwyr.”

Mewn datganiad mae’r BBC yn mynnu yr oedd “gwahanol safbwyntiau” wedi eu cynnwys, ond yn nodi bod “yn ddrwg ganddyn nhw” nad oedd y “dadansoddiad a’r ddadl yn fwy trylwyr”.

 

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.