Dadorchuddio cynlluniau i adnewyddu tai ‘Welsh Streets’ Lerpwl

 


Rhai o dai y Welsh Streets yn Lerpwl (Llun: Karen Owen)
Mae cynllun gwerth miliynau o bunnau i droi strydoedd y tai Cymreig yn Lerpwl yn gartrefi i’w rhentu, wedi’i ddadorchuddio.

Fe gafodd y tai yn ardal Toxteth, sy’n cael eu nabod fel y ‘Welsh Streets’, eu codi gan weithwyr Cymreig yn yr 19eg ganrif a’u henwi ar ôl pobol, pentrefi, dyffrynnoedd a threfi fel Treborth, Dovey a Geraint.

Ymysg strydoedd y Welsh Streets mae Madryn Street, sef y stryd lle cafodd Ringo Starr, drymiwr band y Beatles, ei eni.

Cwmni Placefirst sydd yn gyfrifol am adnewyddu’r adeiladau ac mae disgwyl bydd gwaith ar y grŵp cyntaf o gartrefi wedi’i gwblhau erbyn mis Medi.

Mae’r cynllun i adnewyddu Welsh Streets yn rhan o gynllun ehangach gwerth £30m a gafodd ei gymeradwyo gan Gabinet Dinas Lerpwl ym mis Mehefin.

Yn 2015, fe fu protestio mawr yn erbyn cynlluniau Cyngor Dinas Lerpwl i ddymchwel y tai a chodi blociau o fflatiau yn eu lle.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?