Dim mwy o hedfan rhwng Caerdydd a Llundain oherwydd toll San Steffan

Diweddarwyd am  


Mae un o weinidogion Llywodraeth Cymru wedi galw ar lywodraeth y Deyrnas Unedig i ddileu’r doll ar hedfan sydd wedi gwneud i gwmni Flybe roi’r gorau i’r gwasanaeth rhwng Caerdydd a Llundain.

Yn ôl Ken Skates, Ysgrifennydd yr Economi ym Mae Caerdydd, y dreth ar deithiau byrion sy’n gyfrifol am benderfyniad y cwmni i ddod â’r gwasanaeth i ben.

“Bydd yn siomedig gweld diwedd y gwasanaeth hwn, sydd wedi darparu cyswllt cyflym a chyfleus rhwng meysydd awyr Caerdydd a Dinas Llundain am y flwyddyn ddiwethaf,” meddai Ken Skates.

“Mae Flybe a Maes Awyr Caerdydd wedi bod yn glir mai un rheswm dros ganslo’r gwasanaeth hwn yw effaith Dyletswydd Teithwyr Awyr Llywodraeth y Deyrnas Unedig ar deithiau byr.

“Rydym wedi bod yn galw ar Lywodraeth y DU am amser helaeth i ddatganoli Toll Teithwyr Awyr i Gymru, ond mae ein galwadau yn parhau i gael eu hanwybyddu.”

Mae canslo’r gwasanaeth hwn, meddai wedyn, ynghyd â thorri’r addewid i drydaneiddio’r brif linell reilffordd i Abertawe, yn enghreifftiau o sut y mae San Steffan yn “cyfyngu ar dwf economaidd yng Nghymru”.

“Hoffwn alw unwaith eto ar Lywodraeth y Deyrnas Unedig i ddatganoli Toll Teithwyr Awyr i Gymru ac i drosglwyddo’r £700m a arbedwyd drwy ei phenderfyniad i beidio â thrydaneiddio’r brif linell i Abertawe i Lywodraeth Cymru,” meddai Ken Skates.

“Bydd hyn yn ein galluogi i ddatblygu ein cynlluniau i ddarparu’r gwasanaethau trafnidiaeth mae teithwyr yng Nghymru yn eu haeddu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd