RSS

Golwg360

MwyCau 

Sports Direct yn ymddiheuro am hysbysiad iaith

Awst 7, 2017 14:51 Diweddarwyd Awst 10, 2017 09:05


Mae cwmni Sports Direct wedi rhyddhau datganiad pellach erbyn hyn yn ymddiheuro am “unrhyw gamddealltwriaeth neu ofid” y mae eu hysbysiad iaith wedi’i achosi.

Fe ddaeth hi i’r amlwg dros y penwythnos fod arwyddion wedi’u gosod yn un o’u siopau ym Mangor oedd yn gwahardd staff y cwmni rhag siarad unrhyw iaith ar wahân i Saesneg – a hynny am resymau diogelwch.

Ers hynny mae gwleidyddion wedi beirniadu’r polisi gyda Chomisiynydd y Gymraeg yn ymchwilio i’r achos a bron 2,500 o bobol wedi arwyddo deiseb ar-lein yn galw ar y cwmni i newid eu polisi iaith.

‘Ymddiheuro am unrhyw gamddealltwriaeth’

Mewn datganiad, mae’r cwmni’n dweud y byddan nhw’n “adolygu geiriad yr hysbysiad” cyn “ail-ryddhau hysbysiad wedi’i ddiweddaru.”

Maen nhw’n cynnig eglurhad i’r achos gan ddweud – “fe wnaeth Sports Direct ryddhau hysbysiad i’w holl siopau yn y Deyrnas Unedig ar ein polisi iaith. Y bwriad oedd sicrhau bod yr holl staff, wnaeth fynd i sesiynau briffio ar iechyd a diogelwch a materion pwysig eraill, yn deall cynnwys y cyfathrebiadau hyn.”

“Saesneg yw’r iaith fwyaf cyffredin sy’n cael ei defnyddio gan ein staff aml ieithog, ac am hynny, yr un sy’n fwyaf tebygol o gael ei deall gan bawb,” ychwanegodd llefarydd ar ran y cwmni.

“Doedd yr hysbysiad hwn ddim wedi’i fwriadu i gyfyngu ar y defnydd o’r iaith Gymraeg, na gwahardd staff rhag cyfathrebu yn eu hiaith leol, tu allan i’r briffio hyn neu gyda chwsmeriaid,” meddai.

Ychwanegodd y llefarydd eu bod yn gwmni rhyngwladol ac yn “llwyr gefnogi defnydd o iaith leol yn ein holl awdurdodaeth.”

Am hynny, fe ddywedon nhw eu bod yn “ymddiheuro am unrhyw gamddealltwriaeth neu ofid mae’r hysbysiad wedi’i achosi.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.