Cronfa newydd i hybu’r Gymraeg drwy brosiectau creadigol

Diweddarwyd am  


Carwyn Jones, (Llun: Y Blaid Lafur)
Mae’r Prif Weinidog yn lansio cronfa newydd heddiw gwerth £300,000 i annog prosiectau creadigol i hybu’r Gymraeg.

Mae’r arian yn rhan o gynllun y Llywodraeth i greu miliwn o siaradwyr Cymraeg erbyn 2050 ac  mae’n cael ei lansio ar faes y Brifwyl heddiw.

Yn ôl Carwyn Jones, mae’r gronfa’n agored i “sefydliadau o bob sector” ac mae modd i rai sy’n derbyn y grant eisoes geisio amdano.

Mae Llywodraeth Cymru yn nodi eu bod am ariannu prosiectau “arloesol, tymor byr gyda’r nod o gynyddu’r defnydd o’r Gymraeg.”

Maen nhw’n cyfeirio at brosiectau cymunedol, yn y gweithle neu ar lwyfannau digidol gyda’r broses ymgeisio yn agor heddiw, Awst 7, ac yn cau ar Fedi 22.

‘Pwynt cychwynnol’

“Rydyn ni’n hollol glir mai ein cyfrifoldeb ni fel Llywodraeth yw gosod y trywydd a chynnig arweinyddiaeth wrth gynyddu’r defnydd o’r iaith,” meddai Carwyn Jones.

“Mae’r gronfa yn bwynt cychwynnol cryf ar gyfer ein strategaeth Awst 2050.”

Maen nhw’n gobeithio y bydd hyn hefyd yn cyfrannu at y targed o gynyddu canran y boblogaeth sy’n siarad yr iaith bob dydd, ac yn gallu siarad mwy na dim ond gair neu ddau o Gymraeg, o 10% (yn 2013-115) i 20% erbyn 2050.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd