RSS

Golwg360

MwyCau 

HOGIA MÔN #1: Deng mlynedd yn Geidwad y Cledd, a deg ers Grav

Awst 6, 2017 22:45 Diweddarwyd Awst 9, 2017 22:11


Robin McBryde, Ceidwad y Cledd
Mae’n ddeng mlynedd eleni ers i’r hyfforddwr rygbi o Ynys Môn gael ei urddo i’r Orsedd a’i benodi’n Geidwad y Cledd gan olynu Ray Gravell.

Ac wrth nodi deng mlynedd ers colli’r gŵr o Fynydd-y-garreg, mae Robin McBryde yn talu teyrnged iddo fel un a lwyddai i bontio rhwng y byd rygbi a thraddodiadau’r Eisteddfod.

“Mi oedd hi’n fraint i gael bod yn ei gwmni a thrafod y swydd… mi oedd cael sêl bendith Grav yn golygu tipyn imi,” meddai Robin McBryde wrth golwg360.

Dywed fod “dyletswydd ac anrhydedd” yn perthyn i’r swydd o fod yn Geidwad y Cledd, ac olynu Ray Gravell.

“Mae’n siŵr fy mod i wedi cyrraedd oedran lle mae yna dipyn bach mwy o ddealltwriaeth ynglŷn â phwysigrwydd yr Eisteddfod, yr Orsedd a lle mae hwnna’n eistedd yn ein traddodiad a’n hanes ni fel Cymry,” meddai wedyn.

Ymweld â Môn

Dyma fydd y tro cyntaf i’r Eisteddfod Genedlaethol ymweld ag Ynys Môn ers i Robin McBryde gael ei urddo i’r Orsedd.

Er ei fod wedi’i eni ym Mangor, cafodd ei fagu yn Llanfechell ar yr ynys ond mae’n byw erbyn hyn yn y Tymbl yng Nghwm Gwendraeth.

Dywedodd ei fod yn edrych ymlaen at “rannu’r ardal â gweddill Cymru” gan ychwanegu – “mae nifer o’r de sydd ddim wedi teithio i’r gogledd wastad yn fy synnu i.”

“Mae’r Eisteddfod yn ddathliad o’n Cymreictod ni, ond mae hefyd yn llwyddo i estyn allan a chroesawu’r di-Gymraeg wrth ymweld ag ardaloedd gwahanol a thrwy’r systemau cyfieithu…ac mae hynny’n hollbwysig,” meddai.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.