Yr ysgolhaig, David James Bowen, wedi marw

Diweddarwyd am  


Bu farw’r Ysgolhaig David James Bowen yn 91 oed.

David James Bowen – neu ‘Dai Bow’ i nifer – oedd un o’r arbenigwyr pennaf ar Feirdd yr Uchelwyr, ac roedd yn cael ei adnabod yn un o haneswyr llenyddiaeth Gymraeg mwyaf yr 20fed ganrif.

Yn wreiddiol o Sir Benfro, bu David James Bowen yn ddisgybl yn Ysgol Ramadeg Abergwaun, cyn parhau â’i addysg ym Mhrifysgol Aberystwyth.

Daeth yn aelod o’r Adran Gymraeg yn y brifysgol a bu’n ddarlithydd yn Aberystwyth am flynyddoedd maith.

Ysgrifennodd nifer fawr o erthyglau ar farddoniaeth Gymraeg yr Oesoedd Canol Diweddar a chyfnod y Tuduriaid, gan gynnwys gwaith Dafydd ap Gwilym a’i brif ddiddordeb Gruffudd Hiraethog.

Yn ôl y Darlithydd Bleddyn Huws – a ymunodd ag Adran Gymraeg Prifysgol Aberystwyth yn 1989 – roedd David James Bowen yn “ysgolhaig trylwyr” ac mi fydd ei waith yn para.

“Cawr o ysgolhaig”

“Wrth gwrs, roedd o’n gawr o ysgolhaig er mai dyn gwylaidd iawn oedd o,”  meddai Bleddyn Huws wrth golwg360.

“Roedd gen i barchedig ofn ato fo, ond mi ddes i’n ffrindiau da iawn efo fo ar ôl i mi gyrraedd yma. Roedd o’n greadur bywiog ei feddwl, direidus iawn, iawn, yn hen lanc wrth gwrs ac yn genedlaetholwr pybyr.

“Roedd o’n ddyn disgybledig iawn. Yn weithiwr disgybledig. Ac yn medru bod yn eithaf llym gyda’i fyfyrwyr. Roedd yna un ddarlith am naw y bore Iau ac mi fyddai’n cloi’r drws o’r tu fewn am naw. Felly os oeddech chi’n hwyr, wel dyna hi, roeddech chi’n hwyr!

“Roedd o wedi ymroi i’w waith,” meddai Bleddyn Huws wedyn. “Roedd ganddo gof eithriadol ac roedd o’n medru cofio manylion, dyna beth oedd yn fy nharo i.

“Hefyd, roedd o’n ysgolhaig trylwyr yn ei faes. Bydd y gwaith a gyflawnodd fel ysgolhaig yn para.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed