Marw T Meirion Hughes, hanesydd Caernarfon

Diweddarwyd  


Bu farw’r peiriannydd a’r bardd a dreuliodd ran helaeth o’i fywyd yn ymchwilio i hanes tref Caernarfon.

Roedd T Meirion Hughes yn 89 mlwydd oed, ac wedi’i eni oddi fewn i waliau’r dref. Oherwydd hynny, roedd, yn ôl traddodiad, yn gallu galw’i hun yn ‘Gofi’ go iawn.

Ar hyd ei yrfa yn gweithio i gwmnïau olew fel Shell Mex a BP yn ardal Doc Fictoria yn y dref; fel teithiwr a gwerthwr; yn glerc yn ffatri Ferodo ac yn beiriannydd yn hen Goleg Technegol Bangor, fe fu hanes a iaith yn bwysig iawn i Meirion Hughes.

Roedd yn gystadleuydd brwd oedd wedi ennill cadeiriau a choronau mewn eisteddfodau lleol; ac fe ddaeth yn aelod o Orsedd y Beirdd pan fu’r brifwyl ar ymweliad â Chaernarfon yn 1959. Bryd hynny, ei weinidog, William Morris, oedd yr Archdderwydd.

Cyhoeddodd T Meirion Hughes nifer fawr o erthyglau am ei dref enedigol, yn ogystal â chyfrolau ar bynciau amrywiol fel y dienyddio oedd yn digwydd yn y Castell; epidemig cholera 1866; ynghyd â hanes y fferi a fu’n cludo teithwyr o Gaernarfon i Fôn am 700 mlynedd.

Bu farw Gorffennaf 25 yn ei gartref yn Stryd Garnon, Caernarfon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd