Ysgrifennydd Cymru’n ‘trafod masnach’ yn Siapan

Diweddarwyd am  


Alun Cairns Llun: Gwefan Alun Cairns
Mae Ysgrifennydd Gwladol Cymru yn ymweld â Siapan yr wythnos hon (Awst 1 – 4) i drafod cysylltiadau busnes wedi Brexit.

Fe fydd Alun Cairns yn cwrdd ag uwch swyddogion cwmni Hitachi sy’n gyfrifol am y cwmni Pŵer Niwclear Horizon sydd am ddatblygu atomfa Wylfa Newydd, Ynys Môn.

Mae Swyddfa Cymru hefyd wedi cadarnhau y bydd yn ymweld â chwmnïau Panasonic, Sony a Toyota er mwyn “arddangos y potensial” a rhoi “sicrwydd” fod lle i ehangu yng Nghymru.

Mae eisoes wedi ymweld â chwmnïoedd o Siapan sydd â ffatrïoedd yng Nghymru gan gynnwys y cwmni technoleg modur yn y Drenewydd Nidec a Panasonic yng Nghaerdydd.

‘Potensial buddsoddiad’

“Mae fy ymweliad â Siapan yn dangos fod Llywodraeth y DU eisiau gweithio’n agos â busnesau o bob cwr o’r byd, i arddangos y potensial buddsoddiad anferthol sydd ar gael iddynt yma, ac i sicrhau’r rheiny sydd eisoes â phresenoldeb yma fod sicrwydd i ehangu a thyfu,” meddai Alun Cairns.

Dywedodd ei fod am “ymgysylltu â chwmnïau byd-eang wedi eu lleoli yng Nghymru a’r Deyrnas Unedig gyfan.”

“Ar ôl gadael yr Undeb Ewropeaidd, rydym eisiau parhau i fod yn bŵer dylanwadol ar lwyfan y byd, gan weithio â phartneriaid rhyngwladol i sicrhau diogelwch a ffyniant.”

Fe fydd hefyd yn ymweld ag aelodau Clwb Hiraeth gafodd ei sefydlu yn 1982 gan uwch swyddogion a weithiai yng Nghymru ond a ddychwelodd i Siapan.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd