Cadarnhau canfod corff James Corfield, 19 oed

Diweddarwyd am  


James Corfield (Llun: Heddlu Dyfed Powys)
Mae Heddlu Dyfed Powys wedi cadarnhau mai corff James Corfield gafodd ei ddarganfod yn afon Gwy ddydd Sul, Gorffennaf 30.

Cafodd y bachgen, 19 oed o Drefaldwyn, ei weld diwethaf yn nhafarn y White Horse yn Llanfair ym Muallt ychydig wedi hanner nos, nos Lun Gorffennaf 24 yn ystod wythnos y Sioe Fawr.

Mewn datganiad drwy law’r heddlu mae teulu’r llanc wedi talu teyrnged i’r ffermwr ifanc a’r chwaraewr criced talentog.

“Roedd James yn fachgen fferm a theulu – ffermio oedd ei fywyd, ac roedd yn caru ei anifeiliaid gydag angerdd.

“Roedd ymweliad â’r Sioe Frenhinol yn uchafbwynt mawr iddo – ac roedd gweld y defaid a’r beirniadu dofednod yn rhywbeth yr oedd yn edrych ymlaen ato.

“Byddai’n mynd i’r Sioe Frenhinol bob blwyddyn drwy gydol ei fywyd, ac mae gennym atgofion hoffus o fynd ag ef yno fel plentyn, a byddwn yn eu trysori am byth.”

‘Cricedwr brwd’

Mae’r teulu’n ymhelaethu ar ei ddoniau fel “cricedwr brwd ac yn chwaraewr talentog” gan gyfeirio at ei lwyddiannau fel Chwaraewr Criced y flwyddyn Sir Amwythig Grŵp 2, a chwaraewr ifanc y flwyddyn y gynghrair yn 2016.

Roedd yn chwarae i Glwb Criced Trefaldwyn sydd wedi talu teyrnged iddo fel “aelod blaenllaw, nid yn unig oherwydd ei allu. Roedd yn gyfeillgar, yn barod i helpu ac yn ddyn ifanc oedd yn gweithio’n galed.”

Mae’r teulu wedi diolch am gefnogaeth gwirfoddolwyr dros gyfnod y chwilio a’r negeseuon o gefnogaeth, ond yn dweud eu bod yn dymuno preifatrwydd yn awr.

Cydymdeimlad dwysaf

Ychwanegodd Clwb Ffermwyr Ifanc Cymru mewn datganiad – “gyda gofid y daeth y newyddion fod y corff a ddarganfuwyd ddoe wedi ei gadarnhau fel un James Corfield.

“Anfonwn ein cydymdeimlad dwysaf i’w deulu a’i ffrindiau ar yr amser anodd hwn,” gan ychwanegu eu diolch i’r gwasanaethau argyfwng, gwirfoddolwyr a chymdeithas y sioe wrth gynorthwyo gyda’r chwilio.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd