James Corfield: Heddlu’n dod o hyd i gorff

Diweddarwyd  


James Corfield (Llun: Heddlu Dyfed-Powys)
Mae’r heddlu sy’n chwilio am James Corfield, 21, yn Llanelwedd wedi dod o hyd i gorff.

Aeth y ffermwr 19 oed o Drefaldwyn ar goll yn ystod ymweliad â’r Sioe Fawr ddydd Llun.

Roedd e wedi bod yn gwersylla gyda ffrindiau, a chafodd ei weld ddiwethaf yn nhafarn y White Horse yn Llanfair-ym-Muallt tua hanner nos, nos Lun diwethaf, 24 Gorffennaf.

Roedd wedi trefnu i gyfarfod ei deulu y diwrnod wedyn a rhoddwyd gwybod i’r heddlu yn fuan wedi 2 y prynhawn ei fod ar goll.

Fe fu Heddlu’r De a Heddlu Dyfnaint a Chernyw yn helpu Heddlu Dyfed-Powys i chwilio amdano.

Mewn datganiad, dywedodd llefarydd ar ran Heddlu Dyfed-Powys nad yw’r corff wedi cael ei adnabod yn ffurfiol eto, ond bod teulu James Corfield wedi cael gwybod, a’u bod nhw’n derbyn cefnogaeth.

Mae tîm achub mynydd Aberhonddu wedi cadarnhau ar Twitter mai corff James Corfield a gafodd ei ddarganfod, a’u bod nhw’n cyhoeddi’r newyddion ar gais yr heddlu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd