Barnwyr Cymru’n “rhy drugarog”

 


Llys y Goron yr Wyddgrug
Mae’r Twrnai Cyffredinol, Jeremy Wright wedi datgelu bod y barnwr mewn 11 o achosion yng Nghymru wedi bod yn rhy drugarog wrth ddedfrydu troseddwyr y llynedd.

Ymhlith y rhai y mae e wedi cyfeirio atyn nhw mae Sean Buckley, a gafwyd yn euog o lofruddio plentyn ei bartner, Finley Thomas, oedd yn 17 mis oed.

Cafodd ei ddedfrydu i oes o garchar, a’r barnwr yn dweud bod rhaid iddo dreulio o leiaf 17 o flynyddoedd dan glo, ond cafodd hynny ei ymestyn i 20 mlynedd yn ddiweddarach.

Cafodd dedfryd mam y plentyn, Chloe Thomas ei chynyddu o 20 mis o garchar i 30 mis dan glo.

Cafodd 14 o achosion eu trosglwyddo o Gaerdydd, Merthyr Tudful a’r Wyddgrug i’r Llys Apêl y llynedd am fod y ddedfryd yn rhy drugarog. Cafodd 11 ohonyn nhw eu hymestyn – a dau ohonyn nhw’n cael eu hymestyn o orchymyn cymunedol i gyfnod o garchar. Roedd un o’r achosion yn ymwneud â throseddau rhyw.

‘Ddim yn wyddoniaeth union gywir’

Dywedodd y Twrnai Cyffredinol, Jeremy Wright QC fod cynllun mewn grym i alluogi herio dedfryd sy’n cael ei hystyried yn rhy drugarog.

“Dydy dedfrydu ddim yn wyddoniaeth union gywir ac yn y rhan fwyaf o achosion, mae barnwyr yn ei chael hi’n iawn.

“Mae’r cynllun ar gael er mwyn sicrhau fy mod i a’r Cyfreithiwr Cyffredinol yn gallu cynnal adolygiad annibynnol o’r achosion hynny lle gall fod gwall wedi digwydd wrth ddedfrydu.”

O fis Awst, bydd y cynllun yn cael ei ymestyn i gynnwys mwy o droseddau brawychol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed