S4C yn rhoi’r fwyell i raglen faterion cyfoes Hacio

Diweddarwyd  


Mae S4C wedi cadarnhau y bydd y rhaglen Hacio yn dod i ben, ond mae’r sianel yn dweud fod trafodaethau’n parhau ynglyn â datblygu gwasanaeth newydd ar-lein.

Fe gafodd y rhaglen faterion cyfoes ei sefydlu yn 2000 i hyfforddi newyddiadurwyr ar gyfer rhaglen y Byd ar Bedwar. A heddiw, mae cyn-Uwch Gynhyrchydd y gyfres honno yn dweud iddi fod yn “fagwrfa amhrisiadwy”.

Yn ol Eifion Glyn, fe wnaeth y rhaglen “waith gwych” yn rhoi profiadau i nifer o newyddiadurwyr – yn cynnwys Kate Crockett a Catrin Haf Jones – gan dyfu dros amser i fod yn “rhaglen safonol ynddi hun”, meddai.

“Mi roedd Hacio yn rhoi cyfle i bobol arbrofi ac i bobol ddysgu’r ystod o sgiliau sydd angen ar gyfer bod yn newyddiadurwr teledu,” meddai Eifion Glyn wrth golwg360. “Mi ddaeth hi’n rhaglen dda lle wnaeth pobol fwrw eu prentisiaeth fel newyddiadurwyr teledu.

“Roedden nhw’n cael y cyfle ar y cychwyn i wneud popeth eu hunain: ymchwilio, ffilmio, golygu, bras olygu ac, wrth gwrs, gohebu. Mi roedd hi’n fagwrfa amhrisiadwy i nifer o newyddiadurwyr da dros y blynyddoedd.”

Cynlluniau S4C

Mae S4C yn dweud iddi gynnal “arolwg o’i darpariaeth materion cyfoes” a’r hyn sy’n dod yn benodol o stabl ITV Cymru, ac mai’r penderfyniad yw i “ail-strwythuro adnoddau” er mwyn darparu rhagor o adroddiadau ac ymchwiliadau treiddgar Y Byd ar Bedwar yn yr amserlen deledu.

Fe fydd materion cyfoes wedi’i anelu’n benodol at bobol ifanc ar “lwyfan ffurf fer ar-lein,” meddai Pennaeth Dosbarthu Cynnwys S4C, Llion Iwan.

“Mi fydd cyfanswm oriau ein darpariaeth materion cyfoes yn aros yr un fath, ond rydym yn ail gynllunio patrwm y rhaglenni ac mae newid cyfresi a’u hesblygu yn rhan naturiol o’r byd darlledu,” meddai wedyn.

“Yn y cyfamser, mae Hacio yn parhau i roi llwyfan i leisiau ifanc yr wythnos hon, gyda thrafodaeth Hacio’n Holi yn cael ei chynnal ar faes Y Sioe Frenhinol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd