Cerflun Castell y Fflint yn “dathlu trechu Cymru”

Diweddarwyd  


Dai Lloyd AC
Mae Aelod Cynulliad Plaid Cymru wedi ysgrifennu at yr Aelod Cabinet, Ken Skates, yn galw arno i ddileu’r cynllun i greu cerflun dadleuol ger Castell y Fflint.

Ddydd Gwener, cyhoeddodd Llywodraeth Cymru gynllun cynllun gwerth £630,000 i adnewyddu Castell y Fflint – cynllun fyddai’n cynnwys buddsoddiad £395,000 mewn cerflun y ‘Cylch Haearn’.

Mae enw’r cerflun yn cyfeirio at gyfres o gestyll cafodd eu hadeiladu gan y brenin, Edward y Cyntaf, i ormesu’r Cymry – Castell y Fflint oedd y cyntaf o’r cestyll yma.

“Mae’r bennod gyfan yn dangos ansensitifrwydd ac anwybodaeth ryfeddol ar ran Llywodraeth Cymru,” meddai’r Aelod Cynulliad Plaid Cymru, Dai Lloyd.

“Mae hyn wedi bod yn fethiant trawiadol ar ran Llywodraeth Cymru wrth iddynt ddewis cerflun sy’n dathlu trechu Cymru gan Frenin Lloegr. Mae’r ffaith fod y syniad hwn wedi deillio o, ac yn mynd i gael ei hariannu gan, Lywodraeth Lafur Cymru yn wirioneddol syfrdanol.”

Fe fu Dai Lloyd yn dadlau ei achos ar raglen Adrian Chiles ar Radio 5 Live amser cinio heddiw (dydd Mawrth, Gorffennaf 25).

Deiseb

Er cafodd y cynlluniau eu cyhoeddi ond ychydig ddyddiau yn ôl mae nifer o unigolion eraill eisoes wedi lleisio eu gwrthwynebiad tuag at y cynllun.

Hyd yma mae dros 6,700 wedi arwyddo deiseb ‘Na i Gylch Haearn arfaethedig Castell y Fflint’ cafodd ei sefydlu ar Orffennaf 23. Rydym yn galw ar y Cynulliad a Llywodraeth Cymru i ddileu’r cynllun … gan ein bod yn ymwybodol o’r arwyddocâd hanesyddol o ran ‘Cylch Haearn’ Edward I a’i ddefnydd fel offeryn gormes,” meddai’r ddeiseb.

“Rydym yn teimlo bod hyn yn hynod o amharchus i bobol Cymru, a’n cyndeidiau wnaeth frwydro yn erbyn gormes ac annhegwch am gannoedd o flynyddoedd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones