RSS

Golwg360

MwyCau 

Cost gofal plant adeg gwyliau wedi dyblu yng Nghymru

Gorffennaf 25, 2017 12:00 Diweddarwyd am 12:05


Mae cost gofal plant dros gyfnod y gwyliau wedi dyblu yng Nghymru ers 2010, yn ôl y Blaid Lafur.

Dros Brydain oll mae’r gost wedi cynyddu gan 51%, gyda gogledd ddwyrain Lloegr â’r cynnydd uchaf (111%) , a Chymru yn ail (100%).

Cafodd yr ystadegau eu cyhoeddi yn sgil dadansoddiad y Blaid Lafur o arolygon yr elusen Family and Childcare Trust.

Yn ôl yr Ysgrifennydd Addysg Gysgodol, Angela Rayner, mae’r sefyllfa wedi cael ei waethygu gan gwymp mewn cyflogau yn ystod yr un cyfnod.

“Mae’r Torïaid yn syml wedi methu rhieni sydd yn gweithio,” meddai Angela Rayner. “Rhieni sydd wedi gweld cost eu gofal plant yn saethu i fyny, eu cyflogau yn cwympo, a’u Llywodraeth yn methu â chynnal y gofal sydd angen.”

“Camgymeriad ffôl”

Mae’r Ceidwawwyr wedi taro yn ôl gan ddweud fod Llafur wedi gwneud “camgymeriad ffôl” trwy ddatgelu’r ffigurau gan mai nhw sydd yn gyfrifol am ofal plant yng Nghymru.

“Mae’r camgymeriad ffôl yma gan Lafur yn dangos eu methiannau nhw o ran gofal plant gan fod teuluoedd yng Nghymru – lle’r Blaid Lafur sy’n rheoli -yn wynebu dwywaith y cynnydd yng nghostau nag sydd yn Lloegr,” meddai’r Gweinidog dros Deuluoedd a Phlant, Robert Goodwill.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.