Lansio rhaglen i fynd i’r afael â gordewdra plant

 


Mae rhaglen newydd sy’n mynd i’r afael â gordewdra plant yn cael ei lansio heddiw gan Iechyd Cyhoeddus Cymru.

Nod rhaglen ‘Pob plentyn Cymru’ yw darparu gwybodaeth a chyngor i rieni ynglŷn â sut i sicrhau bod eu plant yn cynnal pwysau iach.

Daw’r lansiad yn sgil cyhoeddiad arolwg newydd sydd yn datgelu nad yw rhieni bob amser yn cydnabod pan mae eu plentyn dros bwysau.

Yn ôl yr arolwg dim ond 4% o rieni plant pedwar i bump oed sydd yn derbyn bod eu plant yn ordew, er bod 26% o blant Cymru yn ordew mewn gwirionedd.

“Dechrau gorau posibl”

“Mae pob plentyn yn haeddu’r dechrau gorau posibl mewn bywyd,” meddai Cyfarwyddwr Gwella Iechyd yn Iechyd Cyhoeddus Cymru, Julie Bishop. “Os bydd plentyn yn treulio ei flynyddoedd cynnar yn iach ac yn hapus, mae’n fwy tebygol o dyfu’n oedolyn iach a hapus.”

“Efallai na fydd llawer o rieni yn sylweddoli bod eu plentyn dros bwysau, neu efallai nad ydynt yn ymwybodol bod hyn yn rhywbeth i’w gymryd o ddifrif. Pan fydd plant yn bwysau iach, maent yn teimlo’n well am eu hunain, ac maent yn ei chael yn haws i chwarae a dysgu.”

Bydd y wybodaeth a chyngor yn cael ei ddarparu am ddim ar wefan y rhaglen, www.pobplentyn.co.uk.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd