Sefydliad y Merched yn trafod gwastraff bwyd

 


Bydd Sefydliad y Merched yn cynnal trafodaeth yn y Sioe Frenhinol ar rôl archfarchnadoedd i leihau gwastraff bwyd.

Daw’r drafodaeth wedi i’r WI lansio ei adroddiad Wasted Opportunities, oedd yn canfod bod tueddiadau archfarchnadoedd yn cyfrannu at wastraff bwyd.

Yn ôl yr adroddiad, mae hynny drwy arwain cwsmeriaid i brynu mwy o fwyd nag sydd ei angen, a rhoi gwybodaeth ar y pecyn sy’n gadael cwsmeriaid yn ansicr am ba mor hir mae’r cynnyrch yn parhau’n ddiogel i’w fwyta.

Mae’r sefydliad bellach yn galw ar siopau i wneud mwy i leihau gwastraff bwyd.

“Mae llawer o gynnydd wedi’i wneud i sicrhau cyflenwad bwyd cynaliadwy a mynd i’r afael â gwastraff bwyd ers ymdrechion arloesol Sefydliad y Merched… fodd bynnag, mae llawer mwy i’w wneud,” meddai Mair Stephens, cadeirydd y sefydliad yng Nghymru.

“Mae ein hymchwil wedi nodi dylanwad pwerus archfarchnadoedd wrth ddylanwadu ar gynhyrchu a phrynu bwyd. Hoffem weld pob siop yn gwneud mwy i arwain y frwydr yn erbyn gwastraff bwyd ar draws y gadwyn gyflenwi.”

Y panel

Bydd y panel trafod yn cynnwys Ann Jones, Cadeirydd Pwyllgor Materion Cyhoeddus Sefydliad y Merched, John Davies, Is-lywydd NFU Cymru, Alec Brown, Pennaeth Cysylltiadau Rhanddeiliaid Tesco a Hugh Jones, Rheolwr Rhanbarthol Atal Gwastraff Bwyd, WRAP Cymru.

Mae disgwyl i’r drafodaeth ddigwydd dydd Mawrth, 25 Gorffennaf am 12:30 y prynhawn ym mhabell NFU Mutual yn y Sioe Frenhinol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones