Sesiwn Fawr wedi gwerthu allan

Mae pob tocyn i Sesiwn Fawr Dolgellau wedi ei werthu, a hynny am y tro cyntaf ers i’r ŵyl ail-ddechrau yn 2011.

Bydd Bob Delyn a’r Ebillion, Calan, Sŵnami a Sorela ymysg y bandiau yn diddanu’r dorf, ac mae noson o gomedi stand-yp hefyd.

Ac er bod hi’n addo glaw trwm dros y penwythnos, mae’r trefnwyr yn benderfynol na fydd gwlybaniaeth yn tampio’r awydd am hwyl.

“Mae’n llacio yma rŵan ac yn ôl y rhagolygon, mae’n mynd i fod yn well heno yma a chawodydd fory. Rydan ni wedi arfer efo glaw yng Nghymru!” meddai Ywain Myfyr.

“Mae tocynnau wedi mynd ar gyfer y penwythnos – pob dim – does yna ddim un ar ôl felly os wneith hi stopio bwrw, bydd hynny’n fonws ond fel arall, ry’n ni’n edrych ymlaen at benwythnos da.”

Mi wnaeth tocynnau ar gyfer nos Wener a dydd Sadwrn yr ŵyl werthu allan erbyn bore dydd Mercher ac erbyn bore dydd Iau, roedd tocynnau dydd Sul i gyd wedi mynd hefyd.

“Dyma’r tro cyntaf [i hynny ddigwydd]. Ry’n ni wedi gwerthu allan ar y noson o’r blaen ond dyma’r tro cyntaf ymlaen llaw.”

Nid oedd Ywain Myfyr yn fodlon dweud faint yn union o docynnau sydd wedi eu gwerthu, ond mae’r nifer yn y cannoedd.

Pwy sy’n canu?

Bydd yr ŵyl werin yng nghanol dref Dolgellau yn dechrau heno. Dyma fanylion o berfformiadau rhai o’r prif artistiaid:

Nos Wener

Gwesty’r Royal Ship

18:30 Fleur De Lys

19:30 Cilmeri

20:45 Bob Delyn a’r Ebillion

22:00 Calan

23:15 Sŵnami

Caffi T H Roberts