RSS

Golwg360

MwyCau 

Cyfarfod i drafod dyfodol cartref preswyl yn Aberystwyth

Gorffennaf 18, 2017 10:27 Diweddarwyd am 14:14


Cartref Golfal Preswyl Bodlondeb (Llun: Cyngor Ceredigion)
Roedd 250 yn bresennol mewn cyfarfod yn Aberystwyth neithiwr, er mwyn trafod dyfodol cartref preswyl yno.

Mae Cyngor Ceredigion yn ymgynghori ar gynlluniau i gau Cartref Gofal Preswyl  Bodlondeb ym Mhenparcau sydd yn colli £400,000 y flwyddyn. Bydd ymgynghoriad y cyngor yn para tan Fedi 25.

Cafodd y cyfarfod ei gynnal yn Ysgol Llwyn yr Eos nos Lun, a’i gadeirio gan yr Aelod Cynulliad lleol, Elin Jones. Cyn y cyfarfod, roedd tua 100 o bobol wedi ymuno â gorymdaith mewn protest yn erbyn y cynlluniau.

Y dyfodol

Mae 33 o swyddi yn y fantol ac os yw’r cartref yn cau mi fyddai’n rhaid i’r 11 preswylydd ddod o hyd i gartrefi newydd.

Er bod 44 o ystafelloedd gwely yn yr adeilad, dim ond 26 sy’n gallu cael eu defnyddio am nad yw’r gweddill yn cyrraedd y safonau angenrheidiol.

Mae golwg360 wedi gofyn i Gyngor Ceredigion am ymateb.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.