Dedfrydu dyn am ddynladdiad merch ysgol, 15

 


Llys y Goron yr Wyddgrug
Fe fydd dyn a gafwyd yn euog o dreisio a lladd merch 15 oed yn 1976 yn cael ei ddedfrydu heddiw.

Cafwyd hyd i gorff Janet Commins mewn cae ysgol yn y Fflint ddyddiau ar ôl iddi fynd ar goll o’i chartref ar 7 Ionawr 1976.

Cafwyd Stephen Hough, 58, yn euog o ddynladdiad, treisio ac ymosod yn rhywiol yn Llys y Goron yr Wyddgrug ddydd Iau diwethaf. Fe’i cafwyd yn ddieuog o lofruddiaeth.

Roedd dyn arall, Noel Jones, a oedd yn 18 oed ar y pryd, wedi treulio chwe blynedd dan glo ar ôl iddo bledio’n euog i ddynladdiad.  Cafodd ei garcharu am 12 mlynedd ar ôl dweud iddo gael ei “orfodi” i wneud cyffesiad ffals gan yr heddlu.

Yn 2006 cafodd adolygiad o’r dystiolaeth wyddonol yn yr achos ei gynnal a chafodd DNA dyn ei adnabod o’r samplau gafodd eu cymryd o gorff Janet Commins.

Cafodd Stephen Hough ei arestio yn 2016 ar ôl cydweddiad prawf DNA yn ymwneud a mater arall.

Mae Comisiwn Cwynion Annibynnol yr Heddlu (IPCC) yn cynnal ymchwiliad i’r modd yr oedd Heddlu Gogledd Cymru wedi delio gyda’r achos gwreiddiol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd