RSS

Golwg360

MwyCau 

Gwaith y Mentrau Iaith yn “hanfodol” i Strategaeth… meddai’r mentrau

Gorffennaf 11, 2017 15:10 Diweddarwyd am 15:10


Mae Mentrau Iaith Cymru wedi dweud eu bod yn edrych ymlaen “at barhau i hybu a datblygu’r Gymraeg” mewn cymunedau ledled Cymru.

Erbyn hyn mae 22 o fentrau iaith ar hyd a lled Cymru ac yn ôl cadeirydd Mentrau Iaith Cymru, Owain Gruffydd, mae gwaith y mentrau yn “hanfodol” wrth gyfrannu at y targed o greu miliwn o siaradwyr Cymraeg erbyn 2050.

“Rydym yn gweld rôl y Mentrau Iaith fel un hanfodol er mwyn cyrraedd y targed hwn, wrth annog pobol i ddysgu a defnyddio’r iaith,” meddai.

“Trwy hwyluso cyfleoedd anffurfiol i bobol gymdeithasu a mwynhau o ddydd i ddydd yn Gymraeg, a chefnogi cymunedau i berchnogi’r iaith, gallwn gynyddu a chryfhau’r defnydd o’r iaith ar draws Cymru.”

“Rydym yn croesawu’r strategaeth uchelgeisiol newydd hon sy’n tanlinellu pwysigrwydd rôl cymunedau i sicrhau bod y Gymraeg yn parhau’n iaith fyw a ffyniannus,” meddai wedyn.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.