Dysgwr y Flwyddyn – “Rhaid dangos bod y Gymraeg yn cŵl”

Diweddarwyd am  


Gari Bevan
Addysg Gymraeg i blant a chynnal cyrsiau Cymraeg i oedolion am ddim y byddai cyn-enillydd gwobr Dysgwr y Flwyddyn am weld yn strategaeth Gymraeg y Llywodraeth.

Yn ôl Gari Bevan, a enillodd gystadleuaeth Dysgwr y Flwyddyn yn Eisteddfod Genedlaethol 2015, mae angen mwy o athrawon Cymraeg mewn ysgolion, a chyrsiau am ddim i oedolion sydd am ddysgu’r iaith.

“Dw i’n credu ei fod yn amlwg really, rydyn ni angen miliwn o siaradwyr Cymraeg, ni angen mwy o athrawon ac r’yn ni angen nhw nawr,” meddai wrth golwg360.

Dywed ei fod am weld mwy o athrawon Cymraeg ar draws y sector addysg – o oed cynradd hyd at uwchradd.

Cymraeg i oedolion – ‘costus’

Ar ôl penderfynu ei fod am i’w blant siarad yn Gymraeg â fe, aeth ati i ddysgu Cymraeg yn oedolyn, ond dywed bod cost y cyrsiau yn troi pobol i ffwrdd.

“Dw i’n dod o Ferthyr, ac mae lot o bobol yn yr ardal yma eisiau dysgu Cymraeg ond mae’n eitha’ drud ondyw e,” meddai.

“Mae lot o bobol ym Merthyr ac yn y Cymoedd, dydyn nhw ddim yn gallu fforddio fe. So dw i am weld mwy o arian i helpu mas y prifysgolion, achos heb yr arian dw i ddim yn meddwl y bydd yn bosib gwneud e.

Galwodd ar y Llywodraeth i gyflwyno cyrsiau am ddim i oedolion sydd am ddysgu’r Gymraeg.

“Amser dangos bod y Gymraeg yn cŵl”

“Dw i eisiau gweld pawb yng Nghymru yn cael y cyfle i ddysgu Cymraeg. Mae’n amser nawr i ddangos i bobol bod Cymraeg yn cŵl.

“Rydyn ni’n gallu gweithio gyda fe ac rydyn ni’n gallu defnyddio fe y tu fas i’r dosbarth, mae’n bwysig, mae’n rhan o’n bywyd ni.

“Dw i eisiau dangos i bobol sydd jyst yn siarad Saesneg, mae yn hwyl, ti’n gallu cael hwyl gyda fe a ti’n gallu defnyddio fe.”

Bydd Gweinidog y Gymraeg, Alun Davies, yn cyflwyno ei strategaeth ar gyrraedd miliwn o siaradwyr Cymraeg erbyn 2050 dydd Mawrth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd