Cynghorwyr i drafod dyfodol ffrwd Gymraeg Aberhonddu

Diweddarwyd am  


Llun: Gwefan Cyngor Powys
Mi fydd Cyngor Sir Powys yn trafod dyfodol ffrwd Gymraeg Ysgol Uwchradd Aberhonddu heddiw.

Cynllun gwreiddiol y Cyngor oedd cau’r ffrwd Gymraeg yr ysgol a chanoli’r ddarpariaeth 16 milltir i ffwrdd  o’r safle presennol, yn Llanfair ym Muallt.

Dadl y Cyngor ar y pryd oedd bod y niferoedd sy’n astudio trwy’r Gymraeg yn yr ysgol wedi gostwng dros y blynyddoedd.

Pleidleisiodd cabinet y Cyngor o blaid cau’r ffrwd ym mis Mawrth ond ers hynny mae’r Cyngor wedi derbyn argymhelliad i gadw’r ffrwd Gymraeg yn Aberhonddu.

Yn sgil yr etholiadau lleol mae arweinyddiaeth y Cyngor wedi newid yn llwyr a bellach mae’n cael ei arwain gan glymblaid rhwng y Ceidwadwyr a’r annibynwyr.

Pryderon

Mae rhieni wedi codi pryderon am y penderfyniad i gau’r ffrwd Gymraeg yn Ysgol Uwchradd Aberhonddu gan rybuddio y gallai arwain at lai o bobol yn astudio drwy’r Gymraeg.

Powys yw un o’r ychydig siroedd yng Nghymru heb ysgol uwchradd benodedig cyfrwng Cymraeg a thrwy gau’r ffrwd Gymraeg byddai Ysgol Uwchradd Aberhonddu yn troi’n ysgol cyfrwng Saesneg yn unig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd