Gwilym Owen dros Brexit oherwydd Dafydd Êl a Neil Kinnock

Diweddarwyd  


Fe bleidleisiodd Gwilym Owen dros adael Ewrop yn y refferendwm flwyddyn yn ôl, oherwydd iddo gael ei argyhoeddi gan ddau wleidydd ifanc yn y 1970au.

Mewn sesiwn holi yn nhafarn Y Glôb ym Mangor nos Iau (Mehefin 29) fe esboniodd colofnydd Golwg fel y cafodd ei ddarbwyllo gan Dafydd Elis-Thomas a Neil Kinnock mai sefydliad annemocrataidd fyddai’r Undeb Ewropeaidd yr oedd y Deyrnas Unedig ar fin ymuno ag o yn 1973.

Dydi ei farn ddim wedi newid mewn 40 mlynedd, meddai, a dyna pam ei fod yn dweud yn agored iddo bleidleisio tros Brexit yn refferendwm Mehefin 23, 2016.

“Am unwaith, o’n i yn y mwyafrif,” meddai Gwilym Owen yn y Glôb neithiwr. “Dau wleidydd ifanc oedd yn dod i mewn i HTV yn aml iawn i wneud rhaglenni i ni, oedd Dafydd Elis-Thomas a Neil Kinnock… ac fe genhadon nhw gymaint efo fi, ac mi lyncais i’r abwyd, nes fy mod i wedi dod i gredu’r abwyd mai sefydliad hollol annemocrataidd fasa Senedd Ewrop.

“Ac os sbiwch chi arno fo heddiw, mae yna 27 o wledydd, a’r rheiny heb lais o gwbwl yn rhediad y lle. Maen nhw’n gadael i griw o fiwrocratiaid – Ewrocratiaid – redeg y sioe, ac mae’r holl benderfyniadau’n cael eu gwneud yn gwbwl annemocratiaidd.

“Rydan ni, ers degawdau, yn anfon Aelodau Seneddol Ewropeaidd yno,”  meddai Gwilym Owen wedyn, “ond os fasa chi’n gofyn i unrhyw un ohonyn nhw be’n union maen nhw wedi’i wneud yn ystod eu gyrfaoedd, mi fyddech chi’n ffeindio ei fod o’n chydig iawn, iawn.”

Mae’n bosib gwylio’r sesiwn holi yn llawn yn fan hyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd