“Diffyg ymwybyddiaeth” am symptomau cancr yr ofari, meddai elusen

Diweddarwyd am  


Mae elusen gancr wedi tynnu sylw at ddiffyg ymwybyddiaeth ymysg menywod yng Nghymru am symptomau canser yr ofari.

Yn ôl adroddiad gan elusen Target Ovarian Cancer dim ond un o bob pump o’r menywod o Gymru a gafodd eu holi oedd yn medru adnabod un o brif symptomau’r afiechyd.

Mae’r rheiny’n cynnwys bol wedi  chwyddo, anhawster wrth fwyta, poenau yn y bol a throethi yn amlach.

Yn ogystal â hyn, mae ymchwil yr elusen wedi darganfod bod traean o fenywod yng Nghymru yn ymweld â meddyg teulu dair gwaith cyn derbyn profion cancr, gan olygu fod diagnosis yn cymryd ychydig yn hirach, a bod trin yr afiechyd yn fwy anodd.

“Angen gwneud mwy”

“Er ein bod ni wedi gweld gwelliant dros y blynyddoedd diwethaf gyda newidiadau sy’n cynnwys cyflwyniad canolfannau diagnostig peilot, mae angen gwneud mwy,” meddai Prif Weithredwr Target Ovarian Cancer, Annwen Jones.

“Mae angen gwell ymwybyddiaeth o’r symptomau a newid i’r drefn fel bod menywod ddim yn gorfod ymweld â meddygon teulu sawl gwaith cyn cael profion.

“Mae angen rhoi’r gefnogaeth iawn i fenywod o ddiagnosis hyd at driniaeth o gancr yr ofari.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd