RSS

Golwg360

MwyCau 

FIDEO: Carwyn Jones yn Llanbed

Mehefin 23, 2017 11:45 Diweddarwyd Gorffennaf 5, 2017 07:51


Carwyn Jones yn Llambed neithiwr
Amaeth, cyllid a gwasanaethau gwledig oedd ar frig yr agenda mewn cyfarfod cyhoeddus gyda’r Prif Weinidog yng Ngheredigion neithiwr.

Wrth drafod dyfodol amaethyddiaeth wedi Brexit, dywedodd Carwyn Jones wrth golwg360 nad oedd am weld pwerau presennol yr Undeb Ewropeaidd yn cael eu hetifeddu gan Lywodraeth Prydain.

“Alla i ddweud nawr, bydd dim caniatâd o gwbl ynglŷn â chanoli pwerau ynglŷn ag amaeth na physgodfeydd [yn Llundain]. Rydym ni’n gwneud yn glir ein bod ni’n gweld y sefyllfa fel hyn – bydd y pwerau’n dod o Frwsel yn ôl i Gymru yn y meysydd datganoledig, a dylai San Steffan ddim ymyrryd yn hwnna.”

Ar hyn o bryd mae Llywodraeth Prydain wedi gwarantu cynnal cymorthdaliadau gwledig yr Undeb Ewropeaidd tan 2020, ond does dim sicrwydd beth fydd yn digwydd wedi hynny.

‘Taliad economaidd a chymdeithasol’

Wrth dderbyn cwestiynau o’r llawr yn neuadd y Brifysgol yn Llanbedr Pont Steffan, cyfeiriodd Carwyn Jones at gymorthdaliadau amaeth fel “taliad economaidd i’r ffarm – ond taliad economaidd a chymdeithasol a diwylliannol i’r ardal eang hefyd”.

Dywedodd ei fod am weld y cynllun yn parhau a’r arian yn cael ei roi “mewn crochan arall” fel na fyddai’n cystadlu â’r gwariant at wasanaethau iechyd neu addysg.

“Er mwyn sicrhau bod ffermio’n gynaliadwy yng Nghymru mae’n rhaid cael system o gymorthdaliadau er mwyn cynnal cefn gwlad, sicrhau busnesau yn para i fynd a hefyd er mwyn sicrhau sylfaen gadarn i’r iaith,” ychwanegodd.

Dywedodd hefyd fod cadw marchnad â’r Undeb Ewropeaidd yn “hollbwysig” i ffermwyr defaid a chig oen Cymru.

Roedd y cyfarfod yn rhan o gyfres o sesiynau ‘Cyfarfod Carwyn’ lle mae’n teithio i bob cwr o Gymru, a dyma flas o’r trafodaethau yn Llanbed neithiwr…

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.