RSS

Golwg360

MwyCau 

Cyhuddo Theresa May o “orfodi cynlluniau Brexit”

Mehefin 19, 2017 18:31


Arweinydd Plaid Cymru, Leanne Wood,
Mae Arweinydd Plaid Cymru, Leanne Wood, wedi cyhuddo’r Prif Weinidog Theresa May o geisio “gorfodi cynlluniau Brexit”, yn sgil adroddiadau na fydd Araith y Frenhines yn cael ei chynnal y flwyddyn nesaf.

Mae’n debyg bod Theresa May yn gobeithio newid y drefn fel bod Araith y Frenhines, sy’n cael ei chynnal yn flynyddol ar hyn o bryd, yn cael ei chynnal unwaith bob dwy flynedd.

Pwrpas Araith y Frenhines yw amlinellu rhaglen ddeddfwriaethol y Llywodraeth  ar gyfer sesiwn seneddol newydd ac i roi cyfle i weinidogion graffu dros ei chynnwys.

Gan fod y rhaglen yn ddibynnol ar bleidlais yn Nhŷ’r Cyffredin mae Leanne Wood wedi dadlau y byddai “osgoi” yr araith yn galluogi’r Ceidwadwyr i weithredu cynlluniau heb wrthwynebiad.

“Ymdrechion sinigaidd”

“Mae Plaid Cymru yn gwrthod ymdrechion sinigaidd y Torïaid i orfodi cynlluniau Brexit May drwodd heb graffu priodol,” meddai Leanne Wood.

“Drwy gael gwared ar Araith y Frenhines y flwyddyn nesaf, mae’r Prif Weinidog yn osgoi rhoi ei chynlluniau deddfwriaethol i bleidlais. Mae hyn yn annemocrataidd ac annerbyniol.”

“Bydd Plaid Cymru yn parhau i weithio i …  atgoffa’r Prif Weinidog nad oes ganddi unrhyw fath o fandad i orfodi ei rhaglen ddeddfwriaethol drwodd heb graffu priodol.”

Gohirio

Mae Araith y Frenhines eleni eisoes wedi cael ei gohirio o ganlyniad i’r trafodaethau rhwng y Ceidwadwyr a’r DUP.

Bellach mae Llywodraeth y Deyrnas Unedig wedi cyhoeddi y bydd Agoriad Swyddogol y Senedd ynghyd ag Araith y Frenhines yn cael ei chynnal ar Fehefin 21.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.