Llys Ynadon Llandudno
Mae dau ddyn wedi cael eu cadw yn y ddalfa ar ôl mynd gerbron ynadon Llandudno bore ma ar gyhuddiad o geisio llofruddio dyn 23 oed.
Cafodd yr heddlu eu galw i Ffordd Coetir Orllewinol ym Mae Colwyn am 2.30 fore Sadwrn, 17 Mehefin yn dilyn adroddiadau am ffrwgwd.
Cafodd y dyn, sy’n dod o’r ardal leol, ei gludo i Ysbyty Glan Clwyd gydag anafiadau difrifol.
Mae e bellach wedi cael ei drosglwyddo i ysbyty yn Stoke lle mae mewn cyflwr sefydlog.
Cafodd dau ddyn eu harestio yn dilyn y digwyddiad.
Mae Cody James Allen, 18 oed, o ardal Cyffordd Llandudno a Kyle Mark Rochell, 27, o ardal Mochdre, wedi’u cyhuddo o geisio llofruddio ac o fod ag arf yn eu meddiant mewn man cyhoeddus.
Fe fu’r ddau yn ymddangos gerbron Llys y Goron Caernarfon yfory.
Mae Heddlu’r Gogledd yn parhau i apelio am wybodaeth am y digwyddiad. Dylai unrhyw un sydd â gwybodaeth ffonio’r heddlu ar 101 gan nodi’r cyfeirnod V088935.
