Cymro wedi’i benodi’n Bennaeth Radio 1

Diweddarwyd  


Aled Haydn Jones, Pennaeth Rhaglenni Radio 1
Mae cyflwynydd radio o Aberystwyth wedi’i benodi’n Bennaeth Rhaglenni, Radio 1.

Mae Aled Haydn Jones yn Gymro Cymraeg sydd wedi darlledu ar Radio Cymru yn y gorffennol. Mae’n olyn Rhys Hughes ym mhrif swydd yr orsaf gerddoriaeth.

Fe ddaeth Aled Haydn Jones i amlygrwydd yn ystod ei gyfnod yn cynhyrchu sioe’r troellwr disgiau, Chris Moyles, ar Radio 1. Ers hynny, mae wedi bod yn cyflwyno The Surgery, ac mae’n uwch gynhyrchydd gyda’r orsaf.

Fe ymunodd â’r orsaf yn 1998, gan weithio fel Cynorthwy-ydd Darlledu ar y Roadshow. Fe ymunodd â sioe Chris Moyles yn 2002, cyn symud efo’r cyflwynydd i slot y sioe frecwast yn 2004.

Meddai Aled Haydn Jones ar wefan Twitter, wrth rannu â’r byd y newydd am ei ddyrchafiad: “Dw i’n falch iawn o gyhoeddi fod gen i swydd newydd! Anrhydedd yw cael dweud mai fi ydi Pennaeth Rhaglenni newydd @BBCR1!”

Mae Rhys Hughes wedi symud o Radio 1 i weithio ar orsaf BBC Music am flwyddyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd