Maes B – ddim yn rhan o ymgyrch i brofi cyffuriau fel yn Glastonbury

Diweddarwyd am  


Mae’r Eisteddfod Genedlaethol wedi cadarnhau na fyddan nhw’n cymryd rhan mewn ymgyrch i brofi cyffuriau yn yr ŵyl eleni gan bwysleisio eu “hagwedd llym o ddim goddefgarwch” at gyffuriau.

Daw hyn wrth i Gymdeithas Frenhinol Iechyd y Cyhoedd (RSPH) alw ar wyliau cerddorol gwledydd Prydain i ddarparu cyfleusterau lle gall pobol brofi sylweddau am eu cryfder a’u heffaith.

Yn ôl yr RSPH, maen nhw’n gobeithio y bydd hyn yn lleihau’r niwed ar iechyd pobol gyda’r nifer o farwolaethau o ganlyniad i dabledi ecstasi yng Nghymru a Lloegr wedi codi o 10 yn 2010 i 57 yn 2015.

Cafodd yr ymgyrch ei dreialu yng ngŵyl Secret Garden Party yn Swydd Gaergrawnt y llynedd ynghyd ag yng ngŵyl Kendal Calling yn ardal y llynnoedd.

Maes B

Mae Secret Garden Party, fel yr Eisteddfod Genedlaethol, yn rhan o Asiantaeth Gwyliau Annibynnol (AIF) sy’n cynnwys gwyliau Bestival, Isle of Wight Festival a Gŵyl Rhif 6.

Dywedodd llefarydd ar ran yr Eisteddfod Genedlaethol eu bod wedi clywed tystiolaeth gan drefnwyr Secret Garden Party am y cynllun profi cyffuriau mewn  cynhadledd y llynedd.

“Rydym yn derbyn cyngor cyson gan yr AIF a’r heddlu ar bob math o agweddau o fewn y diwydiant gwyliau,” meddai’r llefarydd.

“Hyd yn hyn nid oes problem amlwg o gyffuriau yn yr Eisteddfod na Maes B ac nid oes neb wedi cael ei arestio yn gysylltiedig â chyffuriau yn y blynyddoedd diwethaf.

“Fodd bynnag, rydym yn ymwybodol bod cyffuriau yn rhan o gymdeithas erbyn hyn ac rydym yn cymryd ein cyfrifoldeb fel trefnwyr o ddifri fel sydd yn amlwg yn ein polisi ‘Dim Goddefgarwch’.”

Pwysleisiodd nad oes hawl dod â chyffuriau anghyfreithlon na chyfreithlon i’r digwyddiad gan egluro bod cŵn synhwyro o gwmpas a’i bod yn bosib i bobol gael eu harestio, gael cofnod troseddol neu eu hel o’r safle.

Ymateb Llywodraeth Cymru

O ran safbwynt Llywodraeth Cymru, dywedodd llefarydd wrth golwg360: “Fydym wedi ymrwymo i leihau’r niwed a achosir gan sylweddau ac mae’r egwyddor hon yn sail i’n Strategaeth Camddefnyddio Sylweddau a Chynlluniau Cyflawni cysylltiedig.

“Mae darparu profion mewn Gwyliau, yn enwedig os yw’n gysylltiedig â chyngor ar leihau niwed gyda’r i’r unigolyn, yn unol â’r dull hwn.”

Tymor gwyliau ar droed

Daw galwad y Gymdeithas Frenhinol Iechyd y Cyhoedd wrth i’r tymor gwyliau ddechrau gyda gŵyl Glastonbury yn cael ei gynnal y penwythnos hwn.

“Tra bod defnydd o ‘gyffuriau clwb’ adfywiol fel ecstasi byth yn gallu bod yn ddiogel gyda’r RSPH yn cefnogi ymdrechion parhaus i’w hatal nhw rhag mynd i mewn i safleoedd adloniant, ry’n ni’n derbyn bod lefel penodol o’u defnydd yn parhau yn anochel mewn rhai amodau,” meddai Shirley Cramer, Prif Weithredwr RSPH.

“Rydyn ni felly yn credu fod ymateb pragmataidd i leihau niwed yn angenrheidiol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd