RSS

Golwg360

MwyCau 

Cyngor Llyfrau Cymru yn croesawu’r cyfle i “ehangu ei waith”

Mehefin 14, 2017 12:11


Mae Cyngor Llyfrau Cymru wedi croesawu’r adroddiad ar ddyfodol y byd cyhoeddi a llenyddiaeth yng Nghymru a gafodd ei gyhoeddi ddoe (Mehefin 13).

Mae’r adroddiad hwnnw’n argymell y dylai’r Cyngor gymryd drosodd peth o’r gwaith y mae Llenyddiaeth Cymru yn ei wneud ar hyn o bryd – yn cynnwys “datblygu strategaeth ddigidol” a “datblygu cynhwysiant pobol”, gan gydweithio â’r strategaeth tlodi plant.

Mae’n debyg y gallen nhw hefyd gymryd rhai o gyfrifoldebau Llenyddiaeth Cymru gan gynnwys rheolaeth dros gystadleuaeth Llyfr y Flwyddyn, bwrsariaethau, gwyliau llenyddol a Llenorion ar Daith a’r ddarpariaeth ar gyfer plant a phobol ifanc.

O ganlyniad i’r newidiadau hyn, fe allai’r Cyngor wynebu’r posibilrwydd o newid eu henw i adlewyrchu eu cyfrifoldebau newydd.

Datganiad

Mae’r Cyngor Llyfrau wedi cydnabod fod yr argymhellion yn gyfle i “ehangu sylweddol ar gylch gwaith y Cyngor” ac y byddan nhw’n ymateb yn fanylach “maes o law”.

“Rydym yn edrych ymlaen at gydweithio gyda’r holl randdeiliaid, gan gynnwys Cyngor Celfyddydau Cymru a Llenyddiaeth Cymru, er mwyn adeiladu ymhellach ar yr hyn sydd eisoes wedi’i gyflawni dan ein cynlluniau amrywiol ac rydym yn croesawu’r cyfle i ehangu ymhellach ar ein gwaith ym maes tlodi plant gan gefnogi agenda cynhwysiant Llywodraeth Cymru,” meddai datganiad gan Helgard Krause, Prif Weithredwr Cyngor Llyfrau Cymru.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.