Aelod Seneddol ieuengaf Cymru

Diweddarwyd am  


Ben Lake
Cafodd hanes ei greu yng Ngheredigion neithiwr wrth i’r Aelod Seneddol ieuengaf yng Nghymru gael ei ethol – sef Ben Lake, 24 oed, o Blaid Cymru.

Llwyddodd i gipio’r sedd oddi wrth y Democratiaid Rhyddfrydol lle’r oedd Mark Williams wedi bod yn Aelod Seneddol ers 2005 – gan olygu nad oes gan y blaid honno’r un sedd yng Nghymru bellach.

Roedd Mark Williams yn amddiffyn mwyafrif o dros 3,000.

“Mae’n bwysig bod amrywiaeth o leisiau yn cael eu cynrychioli yn y siambr,” meddai Ben Lake wrth golwg360.

“Mae’n rhaid cael cydbwysedd rhwng y lleisiau ifanc a’r lleisiau mwy profiadol.”

Ac “ymgyrch yr ifanc” oedd hon, yn ôl Ben Lake.

“Mae pobol ifanc wedi bod yn hanfodol i’n hymgyrch ni – o’r cychwyn cyntaf mae pobol ifanc wedi gwirfoddoli a helpu gyda’r ymgyrch.”

Mae’r bachgen sy’n wreiddiol o Lanbedr Pont Steffan yn gobeithio efelychu egni’r Aelod Seneddol ieuengaf yn Nhŷ’r Cyffredin, sef Mhairi Black o’r SNP.

“Mae hi wedi creu argraff ar bobol yn San Steffan ac wedi llwyddo i herio. Bydden i’n hoffi meddwl y gallwn i wneud rhywbeth tebyg iddi hi.”

Neges – cefn gwlad

Ei neges bennaf, meddai wrth golwg360, yw bod angen “rhoi mwy o ystyriaeth i faterion gwledig”.

“Mae’n bwysig nad yw ardal wledig Cymru yn cael ei hanghofio gan San Steffan nag unrhyw lywodraeth arall – yn enwedig o ran trafodaethau Brexit,” meddai.

“Mae yna hefyd wir deimlad ac angen am lais ac egni newydd, a rhywun i herio’r consensws yn San Steffan.”

Canlyniadau

Dim ond 104 o bleidleisiau oedd rhwng Plaid Cymru â’r Democratiaid Rhyddfrydol yng Ngheredigion, a bu’n rhaid cyfri’r pleidleisiau dair gwaith yn ystod y noson.

Llwyddodd y Blaid Lafur a’r Ceidwadwyr i godi eu pleidlais yn y sir hefyd, a dyma grynodeb o’r canlyniadau:

  • Ben Lake – Plaid Cymru: 11,623
  • Mark Williams – Democratiaid Rhyddfrydol: 11,519
  • Dinah Mulholland – Llafur: 8,017
  • Ruth Davis – Ceidwadwyr: 7,307
  • Tom Harrison – UKIP:602
  • Grenville Ham – Y Blaid Werdd: 542
  • The Crazed Sir Dudley – Monster Raving Loony Party: 157

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer