Llyfr y Flwyddyn 2017: beirniad yn “hynod o falch”

Diweddarwyd am  


Catrin Beard
Mae un o feirniaid cystadleuaeth Llyfr y Flwyddyn 2017 yn “hynod o falch” fod y gystadleuaeth yn cael ei chynnal eleni, a hynny wedi adolygiad i ystyried dyfodol y wobr.

Ym mis Mai, cyhoeddodd Llenyddiaeth Cymru ganlyniadau adolygiad  gan gwmni PR yn nodi fod y gystadleuaeth yn un o “elfennau pwysicaf y byd llenyddol”.

Er hyn, roedd un o’r argymhellion yn cynnwys y posibilrwydd o orfodi awduron a gweisg i dalu am gael cystadlu.

“Dw i’n deall eu bod nhw wedi gorfod cael adolygiad ac yn hynod falch ei fod wedi dod yn ôl yn gadarn o blaid cynnal y gystadleuaeth,” meddai Catrin Beard.

‘I bob math o gyfeiriadau’

Esboniodd y ddarlledwraig ei bod wedi beirniadu’r gystadleuaeth yn 2006, ac eleni fe fydd hi’n cyd-gloriannu’r cyfrolau Cymraeg gydag Eirian James, perchennog siop lyfrau Palas Print yng Nghaernarfon a’r bardd Mari George.

“Ry’n ni wedi trefnu i gyfarfod yn yr Eisteddfod [Genedlaethol],” meddai Catrin Beard gan esbonio y byddan nhw’n trafod cyfrolau dros y We hefyd.

“Roeddwn i wedi darllen eithaf tipyn [o’r llyfrau] llynedd beth bynnag… ond mi fydd y tri mis nesaf yn gyfnod lle y bydda i’n mynd i bob math o gyfeiriadau, a dw i’n edrych ymlaen yn fawr.”

Beirniaid y gystadleuaeth Saesneg yw’r awdur Tyler Keevil, yr ysgolhaig Dimitra Fimi a’r bardd Jonathan Edwards.

Croesawu arbrofi

Nid yw Llenyddiaeth Cymru wedi datgelu manylion pellach am y gystadleuaeth, ond dywedodd llefarydd y byddan nhw’n cyhoeddi dyddiadau’r rhestr fer a’r seremoni yn “yr wythnosau nesaf”.

Ychwanegodd y llefarydd y bydd gwobrau 2017 yn “parhau fel arfer”, ond mae’n bosib y bydd gwobrau’r dyfodol yn newid o ganlyniad i’r ymgynghoriad.

Ac mae Catrin Beard wedi croesawu’r adolygiad.

“Does yna ddim un gystadleuaeth fel hyn yn berffaith,” meddai, “gan mai dim ond un wobr sydd yna yng Nghymru, mae pob math o lyfrau yn cystadlu yn erbyn ei gilydd… mae fel cymharu afalau ac orenau,” meddai.

“Dw i’n croesawu felly fod Llenyddiaeth Cymru yn barod i arbrofi a thrio dod o hyd i’r fformiwla iawn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd