Fe fydd dyn 19 oed yn mynd gerbron ynadon heddiw ar gyhuddiad o lofruddio dyn yng Nghei Conna.
Bu farw Matthew Cassidy, 19 oed, ar ôl cael ei drywanu yng Nghei Conna ar Mai 29.
Cafodd David John Woods, 19, o Lerpwl ei gyhuddo o lofruddiaeth ac fe fydd yn mynd gerbron Llys Ynadon yr Wyddgrug ddydd Llun.
Mae dau ddyn arall a oedd yn cael eu cadw yn y ddalfa ar amheuaeth o lofruddio bellach wedi cael eu rhyddhau tra bod ymchwiliadau’r heddlu’n parhau.
Mae Heddlu’r Gogledd yn parhau i apelio am wybodaeth ynglŷn â’r digwyddiad. Dylai unrhyw un sydd â gwybodaeth ffonio’r heddlu ar 101 neu Taclo’r Taclau ar 0800 555 111 gan nodi’r cyfeirnod V078270.
