Galw am wella darpariaeth gyrwyr ceir trydan yng Nghymru

Diweddarwyd  


Car trydan Tesla
Mae angen cyflwyno mwy o bwyntiau gwefru cerbydau trydan rhwng gogledd a de Cymru, yn ôl un o aelodau Plaid Cymru.

Yn ôl Aelod Cynulliad Canolbarth a Gorllewin Cymru Simon Thomas, mae “nifer o etholwyr” wedi lleisio pryder am ddiffyg pwyntiau gwefru a chyfleusterau i yrwyr cerbydau trydan yng Nghymru.

Mae modd gyrru o ogledd Cymru i Ynysoedd Erch yn yr Alban gan gael mynediad at gyfleusterau gwefru cerbydau trydan, ond nid o ogledd Cymru i Gaerdydd.

Hefyd mae’n debyg bod 97,000 o gerbydau trydan a 1,500 o bwyntiau gwefru yn y Deyrnas Unedig, ond dim ond 13 pwynt gwefru sydd yng Nghymru – does dim un yn y canolbarth.

Cymru werdd

“Mae angen strategaeth genedlaethol arnom, gyda thargedau uchelgeisiol am gyflwyno pwyntiau gwefru cerbydau trydan ar hyd a lled Cymru,” meddai Simon Thomas.

“Os ydym o ddifrif am leihau ein hallyriadau o 80% erbyn 2050, ac os ydym o ddifrif am fod yn barod i symud at gerbydau trydan, rhaid i ni weld gweithredu gan Lywodraeth Cymru er mwyn sicrhau na fydd Cymru ar ei hôl hi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd