Newid polisi cynllunio i gefnogi cerddoriaeth fyw

 


Clwb Ifor Bach ar Stryd y Fuwch Goch (Womanby Street)
Mae Llywodraeth Cymru wedi cyhoeddi eu bod nhw’n bwriadu newid y polisi cynllunio yng Nghymru er mwyn cefnogi mannau sy’n cynnal digwyddiadau cerddoriaeth fyw.

Daw hyn yn dilyn ymgyrch i achub Stryd y Fuwch Goch (Womanby Street) sy’n frith o dafarndai a chlybiau sy’n cynnal nosweithiau cerddoriaeth fyw.

Roedd pobol yn poeni am gynlluniau i greu gwesty uwchben tafarn Wetherspoon’s a chais cynllunio i ddatblygu bloc o fflatiau’r drws nesaf i Glwb Ifor Bach.

Yn dilyn hyn bu rhai’n ymgyrchu gyda mwy na 5,000 yn llofnodi deiseb i ddiogelu statws cerddorol y stryd.

Ac mae Ysgrifennydd yr Amgylchedd a Materion Gwledig, Lesley Griffiths, wedi dweud eu bod nhw am gyflwyno newid i gefnogi ardaloedd o’r fath.

‘Cyfrannu at ddiwylliant Cymru’

Fe fydd Llywodraeth Cymru yn diwygio’r polisi cynllunio i gynnwys elfen ‘Asiant dros newid’ sy’n golygu mai cyfrifoldeb datblygwyr fydd rheoli effaith sŵn wrth ddatblygu ger lleoliad cerddoriaeth fyw.

Mae Ysgrifennydd y Cabinet hefyd am weld statws diwylliannol ardaloedd o’r fath yn cael ei gynnwys mewn Cynlluniau Datblygu Lleol.

“Mae lleoliadau cerddoriaeth fyw yn cyfrannu’n fawr at ddiwylliant Cymru a’n heconomi liw nos,” meddai Lesley Griffiths.

“Dw i’n ymwybodol o’r ymdrechion i ddiogelu’r lleoliadau hyn at y dyfodol, gan gynnwys ymgyrch “Achub Stryd Womanby” yng Nghaerdydd, a hoffwn dalu teyrnged i waith caled ac ymrwymiad pawb fu’n rhan o hyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed