RSS

Golwg360

MwyCau 

Maniffesto’r Ceidwadwyr am weld cryfhau’r “cysylltiad Eingl-Gymreig”

Mai 18, 2017 15:00 Diweddarwyd Mai 19, 2017 10:56


Mae maniffesto’r blaid Geidwadol yn addo cryfhau’r cysylltiadau rhwng Lloegr a Chymru trwy “hybu cyfleoedd” rhwng dinasoedd yng Nghymru a dinasoedd dros Glawdd Offa.

Caiff hyn ei gyflawni trwy ddatblygu Bargen Ddinesig Abertawe, rhanbarth Prifddinas Caerdydd a sefydlu Dêl Twf Gogledd Cymru fyddai’n “cysylltu gogledd Cymru a gogledd Lloegr”.

Yn eu maniffesto mae’r Ceidwadwyr yn honni bydd busnesau Cymreig yn “ganolog” o ran eu polisïau masnach ac allforio, ac yn addo buddsoddi mwy mewn isadeiledd.

Mae’n debyg bydd rheilffyrdd a gorsafoedd trên Cymru yn cael eu moderneiddio ac mae’r blaid am “ddarganfod ffyrdd o reoli a defnyddio adnoddau naturiol Cymru ar gyfer cynhyrchu egni.”

Mae’r blaid hefyd yn ymrwymo i “ddiogelu diddordebau ffermwyr Cymreig” ac i gefnogi S4C a’i “rôl allweddol yn amddiffyn yr iaith Gymraeg.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.