Miliwn o siaradwyr Cymraeg: ymateb ymgyrchwyr i adroddiad

Diweddarwyd am  


Mae adroddiad pwyllgor y Cynulliad yn “gyfraniad pwysig” i’r ddadl ynghylch cyrraedd miliwn o siaradwyr Cymraeg erbyn 2050, meddai Cymdeithas yr Iaith Gymraeg.

Mae’r ymgyrch, a gafodd ei sefydlu ym mis Gorffennaf 2015, yn gosod tri phrif nod i bolisi Llywodraeth Cymru, sef cynyddu nifer y siaradwyr Cymraeg i un miliwn, atal yr allfudiad o Gymru a chynnal cymunedau, a defnyddio’r Gymraeg ym mhob rhan o fywyd.

Cafodd yr ymgyrch gefnogaeth y pedair prif blaid wleidyddol yn y Cynulliad – Llafur, y Ceidwadwyr, y Democratiaid Rhyddfrydol a Phlaid Cymru – cyn yr etholiadau diweddaraf, ac mae’n bolisi Llywodraeth Cymru erbyn hyn.

Cynnydd

Dywedodd Cadeirydd Cymdeithas yr Iaith, Heledd Gwyndaf mewn datganiad eu bod nhw “ar y cyfan… yn croesawu’r adroddiad fel cyfraniad pwysig i’r ddadl ynghylch y strategaeth iaith”.

“O ran y gyfundrefn addysg, mae Llywodraeth Cymru wedi gwneud y synau iawn: maent yn mynd i ddileu Cymraeg Ail Iaith a sefydlu un cymhwyster Cymraeg i bob disgybl erbyn 2021 ac maen nhw wedi sôn am flaenoriaethu’r gweithlu addysg.

“Y prawf nawr yw’r gweithredu. Y nod heb os yw sicrhau bod pob disgybl yn gadael yr ysgol yn medru’r Gymraeg a sicrhau bod ysgol cyfrwng Cymraeg o fewn cyrraedd i bob disgybl.

“Mae angen newidiadau radical os rydym i lwyddo. Mae’n bwysig bod y gwleidyddion yn sylweddoli bod symud ysgol lan y continwwm o ran darparu fwyfwy drwy gyfwng y Gymraeg yn gorfod bod yn rhan ganolog o unrhyw strategaeth i dyfu’r iaith.  

“Mae modd dadlau bod pob strategaeth iaith flaenorol a gyhoeddwyd gan Lywodraeth Cymru wedi methu oherwydd diffyg gweithredu – allwn ni ddim fforddio un arall.

“Mae’r nod o greu’r filiwn o siaradwyr yn hollol bosib ei gyflawni os yw’r gweithredu’n ddigonol. Os gwelwn ni hynny, rydyn ni’n ffyddiog y gwelwn ni ymhell dros filiwn o siaradwyr Cymraeg yng Nghymru, a hynny cyn 2050.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd