RSS

Golwg360

MwyCau 

Bos newydd S4C: Guto Bebb yn edrych ymlaen at gydweithio

Mai 17, 2017 11:14 Diweddarwyd am 17:33


Guto Bebb, Aelod Seneddol Aberconwy
Mae Is-Ysgrifennydd Gwladol Cymru yn dweud ei fod yn edrych ymlaen at gydweithio gyda Phrif Weithredwr newydd S4C.

Yn ôl Aelod Seneddol Ceidwadol Aberconwy, Guto Bebb, amser a ddengys a fydd cael cyn-was sifil Llywodraeth Cymru yn bennaeth ar S4C yn golygu y bydd llywodraeth Cymru yn cael mwy o ddweud ar ddyfodol y sianel… os mai hynny ydi dymuniad pobol Cymru.

Fe ddaeth y cyhoeddiad am benodiad Owen Evans ddydd Llun yr wythnos hon (Mai 15), ac y bydd yn olynu Ian Jones yn ddiweddarach eleni.

“Dydw i ddim yn ei nabod o, a dw i’n gredwr cryf nad ydych chi’n beirniadu neb tan i chi eu cyfarfod nhw a gweld sut maen nhw’n gweithredu,” meddai Guto Bebb, sy’n Is-ysgrifennydd Cymru yn Llywodraeth Llundain.

“Ar hyn o bryd, y bwriad ydi bod holl ddarlledu cyhoeddus yng Nghymru yn parhau i ddod dan ofal San Steffan a dw i ddim yn meddwl bod penodiad un unigolyn yn mynd i newid y sefyllfa yna.”

Ond yn ôl Guto Bebb, bydd yr adolygiad arfaethedig ar ddyfodol ariannu S4C yn gyfle i godi’r cwestiwn.

“Dw i wedi dweud erioed os ydych chi’n mynd allan i gael astudiaeth ar ddyfodol S4C a gofyn i’r cyhoedd gyfrannu, lle’r cyhoedd ydi codi pryderon a’u dyheadau. Felly, os ydi’r cyhoedd yn gryf iawn o’r farn bod datganoli darlledu yn ateb i ryw broblem, yna eu lle nhw ydi dweud hynny.

“Os ydi hynny’n alwad sy’n dod yn dan yr adolygiad, yna mi gawn ni ei drafod bryd hynny.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.