RSS

Golwg360

MwyCau 

Dirwy i ddynes am dorri côd cyfrinachedd mewn meddygfa

Mai 16, 2017 15:55


Llys y Goron Casnewydd Llun: Wicipedia
Mae dynes o’r Fenni wedi cael dirwy am bori trwy ddogfennau meddygol cyfrinachol un claf fwy na hanner cant o weithiau.

Bellach mae Sally Anne Day, 41 oed, wedi ymddiswyddo o’i gwaith fel gweinyddydd mewn meddygfa ym Mwrdd Iechyd Addysgu Powys.

Rhwng Awst 2015 a Gorffennaf 2016, roedd hi wedi edrych ar ddogfennau un claf 51 o weithiau, ac ar ddogfennau claf arall wyth gwaith.

Ymddangosodd gerbron Llys y Goron Casnewydd heddiw, ac roedd hi wedi pledio’n euog i ddau drosedd o dan adran 55 o’r Ddeddf Gwarchod Data mewn gwrandawiad cynt.

Cafodd ddirwy o £200 am bob trosedd, a chafodd orchymyn i dalu £350 o gostau a £40 o daliadau ychwanegol i’r dioddefwr.

“Unwaith eto rydym yn gweld pobol yn mynd i drafferthion mawr drwy anwybyddu cyfrinachedd cleifion a’u cyfrifoldebau gwarchod data,” meddai llefarydd ar ran Swyddfa’r Comisiynydd Gwybodaeth.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.