Eurovision: Lucie Jones yn bymthegfed

 


Lucie Jones (Llun: Mykola Swarnyk CCA3.0)
Daeth Lucie Jones o Bentyrch ger Caerdydd yn bymthegfed yng nghystadleuaeth ganu yr Eurovision yn Kyiv neithiwr – perfformiad gorau’r Deyrnas Unedig ers i Blue orffen yn unfed ar ddeg yn 2011.

Enillodd hi 111 o bwyntiau yn y pen draw ar gyfer ei pherfformiad o’r gân Never Give Up On You – y nifer fwyaf o bwyntiau i’r Deyrnas Unedig ers wyth mlynedd.

Cafodd hi ei disgrifio gan y sylwebydd Graham Norton fel “un o’n cystadleuwyr cryfaf ers blynyddoedd”.

Dydy’r Deyrnas Unedig ddim wedi ennill y gystadleuaeth ers 1997, pan ddaeth Katrina Leskanich – prif leisydd Katrina and the Waves – i’r brig.

Portiwgal

Salvador Sobral ddaeth i’r brig gyda’r gân Amar Pelos Dois (I’r Ddau Ohonon Ni).

Dyma’r tro cyntaf erioed i Bortiwgal ennill y gystadleuaeth, ac fe lwyddodd y gân i ennill 758 o bwyntiau.

Fe fu Salvador Sobral yn sâl ers peth amser ac fe ddywedodd ei bod yn bwysig iddo ennill gyda “cherddoriaeth sy’n golygu rhywbeth”, gan ladd ar gerddoriaeth gyfoes.

“Ry’n ni’n byw mewn byd o gerddoriaeth sydd ar gael yn hawdd, cerddoriaeth bwyd parod heb gynnwys a dw i’n credu y gall hyn fod yn fuddugoliaeth i gerddoriaeth sy’n golygu rhywbeth.

“Nid tân gwyllt mo cerddoriaeth, teimlad yw cerddoriaeth… dod â cherddoriaeth yn ôl sy’n bwysig.”

Gorffennodd Bwlgaria yn ail a Moldofa yn drydydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed