RSS

Golwg360

MwyCau 

UKIP yn methu â sefyll mewn wyth sedd

Mai 12, 2017 09:21


Carafan ymgyrchu UKIP yn 2010 (Editor 5807 CCA3.0)
Fydd plaid UKIP ddim yn sefyll yn holl seddi Cymru yn yr Etholiad Cyffredinol.

Mae’r blaid wedi cydnabod eu bod wedi methu â chael ymgeiswyr mewn wyth o etholaethau, wrth i’r enwebiadau gau neithiwr.

Er gwaetha’r brys oherwydd yr etholiad annisgwyl, fe fydd Llafur, Plaid Cymru, y Ceidwadwyr a’r Democratiaid Rhyddfrydol yn sefyll ymhob un o’r 40 o etholaeth.

Gwneud gwahaniaeth

Yn ôl sylwebwyr, fe allai presenoldeb ymgeiswyr UKIP wneud gwahaniaeth mewn rhai seddi, erf od disgwyl i’w phleidlais chwalu ar draws y wlad.

Fe allai hynny wneud gwahaniaeth mewn rhai seddi allweddo, pe bai cefnogwyr UKIP yn troi at y Blaid Geidwadol.

Y tro diwetha’ roedd mwyafrif Llafur tros y Toriaid yn llai na phleidlais ymgeiswyr UKIP mewn nifer o seddi, gan gynnwys rhai yng ngogledd-ddwyrain Cymru a Chasnewydd.

Mewn sedd fel Alun a Glannau Dyfrdwy er enghraifft, fe lwyddodd UKIP i gynyddu ei phleidlais 15% yn yr etholiad cyffredinol dwy flynedd yn ôl, ac yn Ne Clwyd a Wrecsam, cynyddodd ei phleidlais dros 13%.

‘Daeargryn gwleidyddol’

Pe bai’r bleidlais i UKIP yn chwalu yn yr etholiad cyffredinol a’i chefnogwyr yn troi at y Torïaid, fe fydd Cymru’n creu ‘daeargryn gwleidyddol’ ac yn troi’n las am y tro cyntaf mewn 100 mlynedd.

Yn ôl y polau piniwn, mae’n debygol y bydd llawer o bleidleisiau UKIP yn cael eu llyncu gan y Ceidwadwyr ac y bydd hyn yn eu helpu i gael mwyafrif o seddi yng Nghymru.

Hyd yn oed mewn sedd fel Dwyfor Meirionnydd, fe allai’r ffaith fod ymgeisydd UKIP yn sefyll atal y Ceidwadwyr rhag bygwth yr AS presennol, Liz Saville-Roberts o Blaid Cymru.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.